Аалларны тилідерге
23.06.2023
Хабарлар
![Аалларны тилідерге Аалларны тилідерге](/upload/iblock/dd9/z9jmj69dc4fy7e0rlc2z9tp1raupbmdc.jpg)
Чииттер хайиина. «Аалға тоғынҷылар» программа хоостыра «Аалда карьера» проект чуртасха кирілер
Пу программаны Россия президенті Владимир Путиннің чахиинҷа Россияның аалдағы чииттер пірігізі (РССМ) Чииттер киреенҷе федеральнай агентствозынаң, Россияның аал хонии, наука паза пӧзік ӱгредіг, істеніс паза социальнай арачыланыс министерстволарынаң хада тимнеен.
Ол чииттерге профессиональнай кӧнігістерні тилідерге паза чир-суубыстың ыраххы орыннарында посты таап аларға оңдай пирче. Программаның ӧӧн пӧгіні – Россия аалларында чииттерге профессияда ӧзерге хабазары. Ол аалдағы чииттерні прай саринаң тилідеріне паза аалға кӧрісті алыстырарына кӧстелген. «Аалдағы чииттерні тилітчебіс, аалдағы чирлерні тилітчебіс!» – пастағның ӧӧн хыйғызы.
«Аалдағы карьера» проекттің араласчыларына, практиканы алай стажировканы иртіп, соонаң тоғысха кіріп алар оңдай пирілче. Аннаң пасха, олар профессиональнай тилістеңер пілістер алып аларлар, ӱгредігліг семинарлар паза тренингтер иртерлер, профессия таллаҷаң тоғазығларда аралазарлар. Ідӧк оларда аал хонии техниказынаң тоғынар водитель правазын алып алар оңдайдаңар чоох парар.
Проект хоостыра ӧнетін ӧмезер кіріп аларға чарир, хайзы Россияның наа регионнарында тоғыс апарар. Аның араласчылары Донецк паза Луганск чон республикаларының, Запорожье паза Херсон областьтарының чуртағҷыларына аал хониин кӧдірерге полызарлар. Россияның аалдағы чииттер пірігізі наа орыннарда регион штабтарын тӧстебіскен, хайзылары ӧӧн пӧгіннерні толдырып паза кирек проекттерні чуртасха киріп пастабысханнар.
Ӧткін чииттерге хозылар ӱчӱн, ӧнетін ӧменің араласчызы поларына РССМ-ның сайтында сурыныс пирерге кирек. Проекттің партнёрлары: Хазна Думазының аал хонии сурығларынҷа комитеді паза «Чиит специалисттерге полысчаң кін» федеральнай учреждение.
Сом «Хакас чирі» газета архивінең
Автор :
Тимнеен Оксана ЧЕЛТЫГМАШЕВА
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде