Кiчiг iстезiгҷiнiң улуғ салтарлары
![Кiчiг iстезiгҷiнiң улуғ салтарлары Кiчiг iстезiгҷiнiң улуғ салтарлары](/upload/iblock/78c/s3tmzs62kfpzhxzkoya5faahvmh3ovmn.png)
Чидiг. Пис частығ Виктор Торточаков «Мин – iстезiгҷiбiн» Россия синiндегі марығның чиңiсчiзi полыбысхан
Марығда хазнабыстың 25 регионынаң олған садына чӧрчеткен 200 азыра пала паза пасталығ класстар ӱгренҷiзi араласхан. Салтарлары Сочиде чарлалған.
Асхыс поселоктағы «Настенька» олған садына чӧрчеткен Витя хайаларда чайалған хоостарны iстезерiнең палғалыстығ проектi ӱчӱн пастағы орынға турысхан. Сыйых аларға чиит iстезiгҷi iҷе-пабазынаң паза воспитательi Елена Кайдаракованаң хада чӧрген. Елена Валерьевна «Хакас тiлiн ӱгренчебiс» кружок апарча. Мында Виктор Торточаков хайалардағы хоостарға хайиин айландырған.
Воспитатель, анзын кӧрiп, оолахха позына хоостирға чӧп пирген. Мындағ оңдайнаң оларның iстезiглiг тоғыстары пасталған. Пурун олар марығның муниципальнай паза республика синнерiнде чиңiс тутханнар, соонаң тиксi Россия синiнде иң артыхтары полыбысханнар.
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |