Хакасия полызиинаң хырлар тыхталча
02.08.2023
Хабарлар
«Сказка» олған садының тыхталчатхан хыр
Ӱр ниместе Хакасияның правительствозы паза Луганск чон республиказындағы Свердловск городтың паза аймааның устағ-пастаа хада-пірге тоғынардаңар чӧптезіг иткеннер. Анда республикабыс Червонопартизанск городтағы чон чуртазына танығлығ объекттерні нааҷылирға полызар тіп кӧріл парған.
Амғы туста пу чӧптезіг хоостыра Червонопартизанск городтың 3 № школазының паза «Сказка» олған садының хырлары тыхталчалар.
Тыхтағ тоғыстарын наа ӱгредіг чылы пасталғанҷа тоозыбызарға пӧгінчелер.
Пу кӱннерде Свердловсктың паза Свердловск аймааның пазы Андрей Сухачев оларның хайди апарылчатханын сыныхтаан. Аның таниинаң, прай тоғыстар пӱдіріг киреенің кирексіністері паза хорғысты чох идер синнер хоостыра апарылчалар. Аннаңар олған садын чабарға даа кирек полбаан.
‒ Сибирьдегі арғыстарыбыс тыхтағ тоғыстарын апарарына нандырығлығ хайчалар паза оларны сала даа тохтатпинчалар. Олар уғаа пӧзік качестволығ толдырылчалар. Анзы ӧріндірче, ‒ искірген Телеграм-каналында Андрей Сухачев.
Сом Андрей Сухачевтың Телеграм-каналдағы страницазынаң
Автор :
Тимнеен Татьяна Кыштымова
| Пн | Вт | Ср | Чт | Пт | Сб | Вс |
| 25 | 26 | 27 | 28 | 29 | 30 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
