Нанҷы республикаа полызығ
11.08.2023
Хабарлар
Наталья Третьяк паза Сергей Ромашов
Хабазығ. Хакасия Луганск Чон Республиказындағы Червонопартизанск городтың ӱгредіг организацияларына хабазарын узаратча
Пу кӱннерде Хакасияның пӱдірігҷілері Червонопартизанск городтың 3№ школазында паза «Сказка» олған садында килкім тыхтағ тоғыстарын апарчалар. 3№ школада специалисттер иргі кӧзенектерні алыстырчалар. Ӱгредіг чылы пасталғанҷа оларға 124 кӧзенек нааҷылабызарға киректелче. Таныхтирға кирек, пластик кӧзенектер кӱн чариин на позытчалар, класстарны ізітпин.
Аның алында Сибирьдегі специалисттер школаның хырын нааҷылабысханнар паза ағастарын тыыдыбысханнар. Тыхтағ тоғызы тиксі 1540 квадрат метрде парған. Андағох тоғыстар «Сказка» олған садында апарылча.
– Піс Хакасия пазы Валентин Олегович Коноваловха паза хакас делегациязының устағҷызы Сергей Александрович Ромашовха пістің школаа паза ӱгренҷілерібіске хабасчатхан ӱчӱн улуғ алғызыбыс читірчебіс. Піліс кӱнінде олғаннарыбыс нааҷылалған школазар килерлер паза истіг оңдайларда ӱгренерлер, – ӧрінізін чазырбинча 3№ школаның директорының тоғызын толдырчатхан Наталья Третьяк.
Червонопартизансктағы 3№ школа (мының алнында 14№) 1964 чылда пӱдірілген. Амға теере анда улуғ нимес тыхтағ тоғыстары ла апарылған, амды ӱгредіг организациязы пӱкӱлее иптелче. Піліс кӱніне ол саңай пасха кӧрімніг пол парар.
Таныхтирға кирек, Червонопартизанскта тыхтағ тоғыстары Хакасия паза Луганск Чон Республиказы аразында иділген чӧптезіг хоостыра апарылча.
Сом Свердловск городтың паза Свердловск аймааның устағ-пастаа сайтынаң
Автор :
Тимнеен Оксана Сунчугашева
| Пн | Вт | Ср | Чт | Пт | Сб | Вс |
| 27 | 28 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
