Хысхаа тимненіс
16.08.2023
Хабарлар
![Хысхаа тимненіс Хысхаа тимненіс](/upload/iblock/969/t9y7yaxq9kypobb1n27bhmsz0ugx834x.jpg)
Аал хонии. Хакасияда тоңастығларны чыып пастабыстылар
Пии аймаандағы «Бейское» ООО прайзынаң пурун тоңастығларны чыып сыххан. Пӱӱнгі кӱнге хоных 200 гектардаң пуғдай чыып алды. Аның сығызы 24 центнерге тиңнелче.
Пӱӱл тоңастығларны чыырға наңмырлар харығ полчалар. Час тоңастығларны хурударға хоза хорадығлар кирек. Республиканың пасха орыннарында тоңастығларны чыыр ӱчӱн килістіре кӱннер сағыпчалар.
Олох туста мал азиин пилетирінҷе тоғыс апарылча. Пӱӱнгі кӱнге 53 муң гектардаң от сабыл парған, 43 муң гектардаң чыылған, 42,1 муң тонна от пилетел парған. Оттың ортымах сығызы – 9,7 центнер гектардаң.
Тӧрт аймахта сенаж пилетепчелер. 1 муң гектардаң сабыл парған, 7,2 муң тонна тимде. Сенажтың сығызы – 107,5 центнер, пылтыр 90 центнер гектардаң полған.
Шира аймаанда сӱзӱнніг мал азиин пилетеп пастабысханнар. «Целинное» ООО 17 гектардаң кукуруза саап алған, 360 тонна сенаж пилетеп салған.
Сом «Хакас чирі» газета архивінең
Автор :
Алексей Баинов
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде