Чиит идінҷектер хайиина
16.08.2023
Хабарлар
![Чиит идінҷектер хайиина Чиит идінҷектер хайиина](/upload/iblock/909/lpst3mp1t7i4wif47jt7bw8ymgip7t0c.jpg)
Грант марии. Хакасияның экономика тилізі министерствозы 25 часха читкелек идінҷектерге гранттар пирерінҷе таллағны ӱртӱн айының 13-ҷі кӱніне теере иртірче
Гранттар 500 муң салковайға теере пирілерлер. Хазна хабазиин бизнес-проектті чуртасха киреріне позыдарға чарир, че хорадығларның 25 % пос ахчазы поларға кирек.
– Грант ахчазын тураның арендазына алай тыхтирына, оборудование садызарына, лизинг тӧлеглеріне, коммунальнай полызығларға, палғалыс полызығларына, ниме-ноо садызарына хорадарға чарир. Чииттерге интернет палғалызы искіріглер алар ӧӧн оңдай полча, аннаңар ахчаның чардығын социальнай сетьтерде постаңар искіреріне хорадарға чарир, – теен Хакасияның экономика тилізі министрі Роман Ковтун.
Экономика тилізі министерствозынзар сурыныс пирер алнында «Минің пос киреем» хабасчаң кінде ӱгредігні иртібізерге кирек. Ӱгредіге сурыныс пічиин сайт пастыра пирібізерге алай пу адресче айланарға чарир: Ағбан г., Чоннар Ынархазы ор., 2а, ікінҷі хадыл, тел.: 8(3902)248-148, эл. почта: fondrh@maіl.rғ.
Хакас Республиканың толдырығлығ органнар порталында сурыныс пічиин хайди пирердеңер, хайдағ пічіктер киректелчеткеннеңер піліп аларға паза нандырығлығ тоғынҷылар адрестерінең паза телефоннарынаң танызып аларға чарир.
Сом «Минің пос киреем» хабасчаң кін сайтынаң
Автор :
Юлия Шушакова
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде