Кічіг городтар тилізі ӱзӱрілген
25.08.2023
Хабарлар
Форум. Хакасияның экономика тилізі министерствозының делегациязы «Россияның кічіг городтарынзар инвестициялар» Минсуғдағы VІ инвестиция форумында (МИФ-2023) араласхан
Форумда «Кічіг городтарның тиксі тилізі. Наа кӧстеглер паза тиліс оңдайлары» чыылығ ирткен. Анда кічіг городтар тилізін, оларның чуртас-экономиказында пар полчатхан ӧӧн сидіксіністерні, оларға хабасчаң оңдайларны ӱзӱргеннер. Ідӧк Россиядағы кічіг городтар тилізінің иң чахсы кӧзідімнерінең таныстырғаннар.
Аннаң пасха, «Кимдегі Сибирьнің ӱстӱнзархызының инвестиция чӧптері» инвестиция сессиязында Хакасияның экономика тилізі министрінің орынҷызы тоғызын толдырчатхан Наталья Дворяк республиканың инвестициялар кирҷең оңдайларынаңар, тимнелген чӧптердеңер паза толдыр полҷаң инвестиция проекттерінеңер чоохтап пирген.
– Халғанҷы чылларда Хакасия правительствозы промышленность инфраструктуразын тилідеріне алынҷа хайығ салча. Инвесторларны тартып алар ӱчӱн, піс оларға тимде индустриальнай орыннар, хайда проекттерні чуртасха киреріне прай ниме пар, пирерге кирекпіс. Амғы туста «Ташеба», «Черногорский» индустриальнай парктарзар паза «Хакасская технологическая долина» алынҷа экономика орнынзар резиденттерні тартарынҷа тоғыс ӧткін апарылча, – таныхтаан Наталья Дворяк.
Сессияның салтарларынҷа мындағох мероприятиені «Миллиард» клуб араласханынаң Хакасия чирінде иртірердеңер чӧптезіг иділген. Ол клубсар Хызылчар крайының ӧӧн идінҷектері кірче паза ол идінҷек-практиктерні, хайзылары пос сферазында крайда паза Россия Федерациязында лидерлер полчалар, піріктірче.
Форумның ӧӧн салтары алынҷа экономика орнында тоғынарға пӧгінчеткен резидентнең чӧптезіглер иртіргені полған. Ідӧк инвесторнаң чӧптезіглер апарылған, ол республика чирінде агропромышленность сферазындағы инвестиция проектін чуртасха кирерге сағыс тутча.
Республика «Кимдегі Сибирь» инвестиция проектінзер кірче, хонҷых регионнарнаң – Хызылчар крайынаң паза Тыва Республиканаң – экономика саринаң палғалыстар тутча.
Сом Хакасияның экономика тилізі министерствозының пресс-службазыни
Автор :
Юлия Шушакова
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
