Хакасия пазы Боград аалны 260 чылынаң алғыстаан
26.08.2023
Хабарлар
26 августта аймахтың кiнiне 260 чыл толча. Хакасия пазы Валентин Коновалов ол танығлығ кирекнең аның чуртағӌыларын алғыстаан.
Регион пазы Хакасияның сiлiг чирiнде орныхчатхан аалда уғаа чахсы, тоғысха кӱс кiзiлер чуртапча тiп таныхтаан. Оларның кӱстенiзi сылтаанда Боград чылдаң чылға чахсыланча паза чуртасха истiг полыпча.
- Боградтың аарлығ чуртағӌылары! Кiчiг чир-сууңарға сын полчатханыңар, амғы паза соондағы тöллерге туза ағылып iстенчеткенiңер ӱчӱн сiрерге улуғ алғыс. Прайзыңарға пик хазых, часка паза сöбiредегi чахсы чуртас алғапчам!
Боград аймааның тiспен iстенiзiн паза пöзiк узын кöзiткен чуртағӌылары республика устағӌызы холынаң хазна сыйыхтарын алғаннар.
2019 чылдаң сығара Хакасия правительствозы хабазиинаң аалда суғ паза чылығ пирчеткен сетьтерде тиксi тыхтағ тоғыстары толдырылған, котельнай, школа, олған сады паза Культура туразы тыхталған, тасхархызы иптелген, суғ сығарӌаң башня алыстырылған. Iдöк тасхархы чарытхы нааӌылалған, ГТО площадказы турғызылған. Олған исскуствозы школазында тыхтағ тоғыстары узарадылча, суғ пирӌең система пӱдiрiлче.
Сомнар Хакасия пазының ВКонтакте страницазынаң
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
