Табығ комиссиялары тоғын сыхханнар
01.09.2023
Хабарлар
Табығлар-2023. Хакасияда 373 участковай табығ комиссиязы 10 сентябрьдағы табығларда ӱн пиріс иртіреріне тимненіп пастабысхан
Участковай табығ комиссиялары, закон хоостыра табығлар иртер кӱнге 10 кӱн халза, тоғыстарын пастапчалар. Пу туста оларға ӱн пиріске орыннарны тимнеп саларға, табығҷыларға иртер табығлардаңар, кандидаттардаңар паза ӱн пирҷең оңдайлардаңар искір пирерге кирек.
31 августтаң пасти табығҷылар УИК-та кирексіпчеткен искіріглерні піліп алар, табығҷылар списогында постаңар искіріглерні сыныхтабызар паза ідӧк табығ участогында нимес (ибде) ӱн пирердеңер айланыстығ пічік пир салар оңдайлығлар.
Аннаң пасха, 30 августтаң 4 сентябрьға теере республика чуртағҷыларына, хайзылары ӱн пиріс кӱннері тузында пічікке кирілген орында полбастар, полар орны хоостыра ӱн пирердеңер айланыстығ пічіктерін участковай комиссиязар пирерге чарир. Андағ айланыстығ пічіктер территориальнай табығ комиссияларында, кӧп функциялығ кіннерде паза «Хазна полызығлары» порталда амох алыл сыхханнар. Тузы андағох – 4 сентябрьға теере.
Хакасияның Табығ комиссиязы республиканың ӱн пирҷең праволығ прай чуртағҷыларына постың участковай табығ комиссияларынаңар, оларның адрестерінеңер паза палғалыс тутчаң телефоннарынаңар азынада піліп аларға чӧп пирче. Паза ідӧк, оңдай полза, табығҷылар списогында постаңар искіріглерні сыныхтабызарға.
Постың табығ участогынаңар искірігні нинҷе-де оңдайнаң таап аларға чарир:
– Россияның Ӧӧн табығ комиссиязының саннығ сервистері полызиинаң: (http://cikrf.ru/digital-sеrvicеs/naydi-svoy-izbiratеlnyy-uchastok/);
– «Хазна полызығлары» портал полызиинаң (https://votеr.gosuslugi.ru/еlеctions/votеr);
– «Телеграм» мессенджердегі ӧнетін чат-бот полызиинаң (https://t.mе/tsur19_izbirkom_bot);
– Хакас Республиканың Табығ комиссиязының телефонынҷа (23-94-37).
Автор :
Хакасияның Табығ комиссиязының хабарлар пӧлии
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде