СВО араласчыларына – чир участогы тикке
01.09.2023
Хабарлар
![СВО араласчыларына – чир участогы тикке СВО араласчыларына – чир участогы тикке](/upload/iblock/c6a/5x15m5wahpbkpxasxbhfs59kgvx2llht.jpg)
Ӧӧркі Чӧп. Хакасияның Ӧӧркі Чӧп кнезі Владимир Штыгашев президиум чыылиин иртірген
Владимир Штыгашев, тоғысты пастап, пу хығыртығ президиумының халғанҷы чыылии, неке, тіп искірген. Табығлар кӱніне кӧп нимес ле тус халған нооза.
– Итсе, пістің полномочиелерібіc закон хоостыра наа табылған Ӧӧркі Чӧп пастағы сессияа чыылысса ла тоозыл парар, – таныхтаан Ӧӧркі Чӧп кнезі.
Чыылығның кӱн суриинда пір ле закон проекті полған – «Хакас Республика чирінде чуртағҷыларның алынҷа категорияларына чир участоктарын тикке пирердеңер» Хакас Республика Законының 2-ҷі статьязынзар паза приложениезінзер алызығлар кирердеңер.
Закон проектін Хакасия правительствозы кирген. Нимедеңер анда чоох парчатханынаң Хакасияның ис-пай паза чир хайызығлары министрінің пастағы орынҷызы Дмитрий Панарин таныстырған.
Хайди ол таныхтаан, закон проекті Россия президентінің ӧнетін чаа операциязы араласчыларына паза оларның сӧбірелеріне хоза хабазығ пирҷең оңдайлардаңар чарадиин (6 июньда 2023 чылда алылған) толдырар кӧстегнең тимнелген. Ол хабазығ оңдайларының пірсі – СВО араласчыларына, хайзылары хазна сыйыхтарына турысханнар паза ӧнетін чаа операциязының ветераннары полчалар, чир участоктарын тикке пирері. Ӧнетін чаа операциязында чуртазын пир салған чааҷыларның сӧбірелеріне чир участогы ідӧк тикке пирілче.
Президиумдағыларны закон проектінде СВО-да Россия Матыры атха турысхан, орденнернең сыйыхтатхан чааҷылардаңар ла чоох парчатханы чӧпсіндірбеен.
– Кӧзідімге, «За отвагу» медальға турысханнар чи? Оларға чир участогы пирілбес пе? – сурығ пирілген президиум чыылиинда.
Хакасия пазының орынҷызы Сергей Комаров, ол сурығны чарыдып, СВО-да араласханнар ӧнетін чаа операциязының ветераннары полчалар, аннаңар оларға чир ідӧк пирілер тіп нандырған. Че президиумдағыларны ол нандырығ чӧпсіндірбеен, аннаңар закон проектін чахсаан ӱзӱріп паза иптеп саларға чаратханнар. Пірдеезі хыйыхталбас ӱчӱн.
Чыылығның пасха сурығлары федеральнай закон проекттеріне ӱндезерінең палғалыстығ полғаннар. Оларның прайзын даа Россия правительствозы тимнептір. Хакасияның Ӧӧркі Чӧп президиумы оларға прайзына хабазарға чарат салған.
Автор :
Альберт Толмашов
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде