Хазна Думазының депутады Москвада имнег туразынзар кiр парған
01.09.2023
Хабарлар
Хайди искiрче ТАСС агентство, Хазна Думазының депутады Сергей Соколны имнег туразынзар чапчаң чатырыбысханнар. Имӌiлер аның перитонит соонаң хазии уйан пол сыхханын iлезiне сығарғаннар, депутат реанимацияда.
Четвергте Сергей Сокол Москвада тоғынған. Социальнай сетьтерде Россия правительствозының кнес орынӌызынаң паза хайзы министрлернең тоғасханынаңар искiрген. Анда депутат, ол Хакасия пазына кандидат полча, республиканың 2035 чылға теере тилiс стратегиязынаң таныстырған. Аннаң пасха, Сокол "РЖД" ОАО правлениезi кнезiнең тоғасхан. Хайди кöзiт салған депутат соцсетьтерде, тоғазығда хара тасты тартчаң сурығлар ӱзӱрiлген.
Иирде Сергей Соколға хомай пол сыххан. Амды ол Москвадағы А.А.Вишневскийнiң адынаң госпитальда реанимацияда чатча.
Сергей Сокол 21 июльда перитониттiг Ағбан городтың имнег туразынзар кiр парған, имӌiлер ағаа тузында операция идiбiскеннер. Имнег туразында ол неделя артиинаң чатхан. 1 августта Сергей Сокол имнег туразынаң сыхханынаңар социальнай сетьтерде искiрген.
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 28 | 29 | 30 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
