Юрий Афониннең Леонид Калашников аалладылар
01.09.2023
Хабарлар
Хакасия пазы Валентин Коновалов Хазна Думазының депутады Леонид Калашниковнаң хада
Россияның Хазна Думазының депутаттары – хорғыс чох поларынҷа паза коррупциядаң тоғыр комитет кнезiнiң пастағы орынҷызы Юрий Афонин паза СНГ киректерiнҷе паза Евразияның интеграциязынҷа комитет кнезi Леонид Калашников – Хакасиязар тоғыс чорығынаң кил парғаннар. Иң пастағы тоғазығ республика пазы Валентин Коноваловнаң полған.
Валентин Олегович Хазна Думазының iкi депутадына олар хайығда тутчатхан чуртас-экономика кӧстеглерiнҷе республикада апарылчатхан тоғыстаңар искiрген. Кӧзiдiмге, Леонид Калашников СНГ киректерiнҷе, Евразияның интеграциязынҷа паза чир-суғҷыларыбыснаң палғалызарынҷа комитет кнезi полчатханнаңар, ағаа республика правительствозы хонҷых хазналарнаң, ол санда Беларусьнаң паза Моол хазназынаң, хайызығларны тӧремiл тилiт турчатханнаңар. Алынҷа хайығ Россияның наа регионнарына хабазарына айландырылған. Пӱӱнгi кӱнде Хакасия ЛНР-дағы Червонопартизанск городты позының алынҷа хайиинда тутча. Республика пу городта школанаң олған садын тыхтирға полыс пирген, ӱгренҷiлерге учебниктер ал пирген, библиотекаларға кинделер читiр пирген, спортнаң айғасчатханнарға – ӧнетiн тирiг паза форма. Аннаң пасха Луганск Чон Республиказының олғаннарына Россияның ӱстӱнзархы чирлерiндегi олған лагерьлерiнде хазыхтарын пиктеҷең оңдай пирiлген. Хакасияда Ӧнетiн чаа операциязының араласчыларына хабазарынҷа программазына 200 азыра миллион салковай кӧрiл парған. Чоохтирға кирек, Леонид Калашников республика ӱлгӱлерiне федеральнай синдегi сурығларны пӧгерге хаҷаннаң полысчаттыр. Валентин Олегович, депутатты пiстiң регионға хайии паза хабазии ӱчӱн алғыстаан паза маңнаныстығ тоғыс алғаан.
Юрий Афонин – республиканың тӧремiл аалҷызы. Олар республика пазынаң хада толдырығлығ ӱлгӱнiң пис чылның тоғыс салтарын ӱзӱргеннер: экономикадағы, ахча сурииндағы, чонға хабазығ читiрерiндегi. Хазна Думазының депутады прай кӧстеглерҷе тоғыс салтарларын пӧзiк паалаан:
– Республика, Хакасия чоны, толдырығлығ ӱлгӱ органнары, регион правительствозы алнынзар улуғ хаалағ идiбiскеннер. Ӧӧн экономика кӧзiдiглерiн алза, регион сығарчатхан ниме-ноо синi 130 миллиард салковайға ӧс парғаны ӧрiндiрче. Ол кӧрiндiре ӧзiс!
Хазна Думазының депутады Юрий Афонин
Хакасия пазы Валентин Коноваловнаң
Россияның Хазна Думазының депутаттары тоғыс чорығы тузында республиканың чутағҷыларынаң, iстенiс ӧмелерiнең тоғасханнар, аймах кӧcтеглiг учреждение-предприятиелерде, пiрдең Ағбан iстiнде ле нимес, iдӧк Саяногорскта, Ағбан пилтiрi паза Асхыс аймахтарында, пол килгеннер.
Сом Хакасия пазы пресс-службазыни
Автор :
Наталья Сюптерекова
| Пн | Вт | Ср | Чт | Пт | Сб | Вс |
| 28 | 29 | 30 | 31 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 1 | 2 | 3 |
Кӱн таңмазы
Хакасияда
Россияда
Тилекейде
