«Кӧг. Хакас инструменттер чыындызын чыып ал» проект Чииттер киректерiнҷе федеральнай агентствозының грант ахчазына чуртасха кирiлче. Аның ӧӧн пӧгiнi – олғаннарны хакас кӧглернең, тирiглернең таныстырары. Амғы туста музыка инструсменттерiнiң каталогы тимге сых парир. Кӧглернi «Хан сын» фольклор ансамбльның артисттерi толдырғаннар. Хоосчы паза дизайнер Лариса Баканова кинденiң македiн тимнеп салған. Пу пособие полызиинаң картоннаң инструменттернiң модельлерiн чайирға чарир. 

Чоохтирға кирек, проекте улуғ ӧме араласча: устағҷы паза сомҷы Анастасия Пачина, хоосчы Лариса Баканова, проекттiң кӧстегҷiзi Екатерина Шахаева, PR-менеджер Марина Грибкова, музей тоғынҷызы Софья Шотина, ӧменiң менеджерi Алина Небелюк. 

Пу чағында проекттiң ӧмезi школа ӱгренҷiлерiнең тоғазар. Специалисттер олғаннарға мастер-класстар иртiрерлер. Ӏдӧк палаларны Л.Р. Кызласовтың адынаң чир-суғ ӱгренҷең музейiнҷе экскурсия паза «Хан сын» ансамбльның концерттi сағыпча.

Сом Анастасия Пачинани