«Кӧг» кинде тимге сых парир
22.08.2023
Хабарлар
Хакасияда ӱгренҷiлерге «Кӧг» кинде тӧстепчелер. Аның полызиинаң палалар картоннаң чатханның паза хомыстың макеттерiн чайап поларлар. Пу тоғыс «Кӧг». Хакас инструменттер чыындызын чыып ал» проект хоостыра апарылча.
Араласчылар санында Хакасияның саблығ культура тоғынҷызы, хоосчы Лариса Баканова. Лариса Юрьевна кинденiң македiн тимнеен. Ӏдӧк хоосчы чатханның паха хомыстың модельлерiн сағын тапхан.
Кинде пастыра олғаннар хакас кӧг тирiглерiнең танызып аларлар. Аны Анастасия Пачинаның сомнары чазапча. Авторлар ӧмезi пособиезер QR-кодтар кир салғаннар. QR-код Хакас филармониязының сайтынзар апарча. Сайтта, тiзең, музыка инструменттерiнiң «ӱннерiн» истiп аларға чарир. Прай кӧглернi «Хан сын» фольклор ансамбльның артисттерi толдырғаннар. Чайаачы ӧменең устапча саблығ хайҷы Евгений Улугбашев.
Проект Чииттер киректерiнҷе федеральнай агентствозының грант ахчазына, Хакасияның культура паза ӱгредiг министерстволарының хабазиинаң чуртасха кирiлче.
Сом Анастасия Пачинани
Автор :
Марина Грибкова
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
