Эксперттер «Кӧг. Хакас инструменттер чыындызын чыып ал» проектке пӧзiк паалағ пиргеннер
30.08.2023
Хабарлар
«Кӧг. Хакас инструменттер чыындызын чыып ал» проект Чииттер киректерiнҷе федеральнай агентствозының грант ахчазына, Хакасияның культура паза ӱгредiг министерстволар полызиинаң чуртасха кирiлче. Аны музыканттар, хоосчылар, хабарҷылар, сомҷылар тимнепчелер. Ол школа ӱгренҷiлерiн кӧрiлген. Проекттiң устағҷызы – Анастасия Пачина.
Тоғыс салтарларын итсе, пӱӱнгi кӱнде видеокаталог паза кинде тимге сых парғаннар. Кӱскӱзiн презентация, мастер-класстар паза концерттер иртер. Ӏдӧк олғаннарны Хакасияның ӧӧн музейiнҷе экскурсиялар сағыпча.
Республиканың ӱгредiг министрiнiң орынҷызы Юрий Сагалаков проекте пӧзiк паалағ пирген. Ол чоохтаан:
- Пу уғаа танығлығ тоғыс. Ол культураны, хакас чонның кибiрлерiн хайраллирға полысча. Хакастарның кӧг тирiглерi пурунғыдаң хайраллалғаннар. Ӏзенчем, проект палаларны музыканаң айғазарға кӧктiрер.
Сом Анастасия Пачинани
Автор :
Марина Грибкова
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
