Халыхтар сыныхтаа кiнi тоғызын пастабысхан
08.09.2023
Хабарлар
![Халыхтар сыныхтаа кiнi тоғызын пастабысхан Халыхтар сыныхтаа кiнi тоғызын пастабысхан](/upload/iblock/1b6/xrnqn00hyuc9xwpvdgmxnbimq5voxs1i.jpg)
Пӱӱн, табығларның пастағы кӱнiнде, республиканың Халыхтар палатазы Халыхтар сыныхтаа кiнiнiң (ЦОН) презентациязын иртiрген. ЦОН кибiрли Л.Р.Кызласовтың адынаң Хакас национальнай чир-суғ ӱгренӌең музейнiң пастағы хадылында орныххан. Кiннi азарында Хакасияның Халыхтар палатазы, Табығ комиссиязы паза партиялар кiзiлерi араласханнар.
Халыхтар палатазы кнезi Ольга Левченко, чоох тудып, Халыхтар сыныхтаа кiнiнде 60 эксперт тоғынчатханын таныхтаан.
- Паза пiс табығлар азых, законны хыйыстырбас паза iкiнӌiлес сығарбас идерге тимдебiс, - теен ол.
Тиксi пу табығларда партияларнаң палғалыстығ нимес 426 халыхтар сыныхтағӌызы тоғынча. Кiнде, тiзең, прай искiрiглер чыылча, ӱн пирiс хайди парчатханы видеокамералар пастыра сыныхтағда тудылча.
- Табығлар пасталыбысты, пӱӱлгi табығлар республика пазын паза Ööркi Чöп депутаттарын таапчатханыбыснаң танығлығ полчалар, - чоохтанған Хакасияның Табығ комиссиязы кнезi Александр Чуманин.
Аның искiриинең, прай табығ участоктары азылғаннар паза тоғынчалар. Ӱн пирiстiң пастағы кӱнiнде 10 час иртенге 300-че табығӌы ӱнiн пирiбiстiр. Тиксi республиканың табығ участоктарында 2 муң артиинаң сыныхтағӌы (партияларның паза халыхтарның) тоғынча.
Сом Альбина Чистогашевани
Автор :
Альберт Толмашов
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде