Сын кізі поларға ӱгредерге
27.09.2023
Хабарлар
![Сын кізі поларға ӱгредерге Сын кізі поларға ӱгредерге](/upload/iblock/8b1/ejk98wb1al21w1cd2slympaxnir8u06i.png)
Марығ. «Россияның журналисттер пірігізінің» Хакасиядағы пӧлии» халых организация «Сын кізілер – Илбек хазна» коррупциядаң тоғыр марығ иртірче
Марығның ӧӧн пӧгіннері – ӱгренҷілерге коррупциядаң тоғыр кӱрезерге кирек полчатханынаңар чоохтиры, оларны, ӱлгӱ пирчеткен оңдайларнаң тузаланып, оғыр иткеніне орта хайарға ӱгредері, олғаннарның чайаачызын тилідері.
Марығда Хакасияның тиксі ӱгредігліг учреждениелерінің ӱгренҷілеріне аралазарға чарир. Ол 2023 чылның 1 октябрьынаң 1 ноябрьына теере иртірілер. Салтарлары 9 декабрьға чарлалар, пуох тусха чиңісчілерні сыйыхтирлар.
Марығ иртірер оңдайлар:
1. Хоос, плакат, видеоролик марығның кирексіністеріне нандырарға паза ахча хысханынаң, кӱҷӱрлестең, чонны чӧндіргенінең, ӱлгӱ парынаң тузаланғанынаң паза пасха даа сайбағлардаң тоғыр искірігліг поларға кирек.
2. Марыға ызылған тоғыстар кізілернің кӧңнін кӧдірерге, сизіндірерге, сайбағлар идерінең хайраллирға, чарыда чоохтирға киректер, пір сӧснең, агитациялығ, пропаганда апарчатхан поларға кирек. Тоғыстарда хынығ полта, килістіре танығларнаң тузаланғаны, чапсых хоостар полза, уламох чахсы полар.
3. Хоостар, плакаттар тимнирінде хайдағ даа хоос оңдайларынаң тузаланарға чарадылча, олар ӧңніг алай ах-хара даа ползыннар.
4. Чиңісчілернің тоғыстары Хакасияның билбордтарында паза СМИ-ларында сығарылар.
Тоғыстар толдырарына кирексіністер:
1. Хоос А3 форматтаң, плакат А2 форматтаң кічіг полбасха кирек.
2. Видеороликтернің тузы 1,5 минутадаң артых полбасха, качествозы 360 рх тӧбін полбасха кирек. Формады – MPЕG4, FUllHD, AVI.
3. Аудиофайллар 1,5 минутадаң артых нимес поларға кирек, формады – MP3.
4. Тоғыс анкета-заявканаң хада ызыларға кирек (анкета-заявканы «Хакас чирі» газетаның сайтында сығарылған «Хабарҷылар пірігізінең – ӱгренҷілерге марығ» хабарның алтында табарға чарир).
Марыға ызылған тоғыстарны «Россияның журналисттер пірігізінің» Хакасиядағы пӧлии» халых организациязы кізілері кірчеткен жюри паалир. Олар тоғыстарның марығ кирексіністеріне паза иртірер оңдайларына килісчеткеніне хайығ айландырарлар. Полған на номинацияда ӱс сыйыхтығ орын полар. Чиңісчілерге, сыйыхтығ орынға турысханнарға дипломнар паза танығлығ сыйыхтар читірілер.
Марыға тоғыстарны паза анкета-заявканы konkursszhr@mail.ru электроннай адресче алай ба Ағбан г., Щетинкиннің ор., 34, адресче «Хакасия» газетаның редакциязынзар ызарға чарир.
Автор :
Тимнеен Татьяна Кыштымова
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде