Ағбанда Владимир Путиннiң тöреен кӱнiне чарыдылған автопробег ирткен
07.10.2023
Хабарлар
7 октябрьда Хакасияда Россия президентi Владимир Путиннiң тöреен кӱнiне чарыдылған автопробег ирткен. Тиксi Россиядағы чон фронтының Хакасиядағы пöлии иртiрген мероприятиеде Хакасия пазы Валентин Коновалов паза Ööркi Чöп кнезi Сергей Сокол араласханнар.
Автопробег, Л.Р.Кызласовтың адынаң Хакас национальнай чир-суғ ӱгренӌең музей хыринаң пасталып, Ағбанның ööн орамаларынӌа парған: Катанов, Ленин, Пушкин паза Чоннар Ынархазы орамаларӌа.
Мероприятие соонаң Культура паза тынағ паркындағы Георгиевскай садта митинг ирткен. Анда Хакасия пазы, чоох тудып, Россия президентi пастаанаң кöп федеральнай программалар паза национальнай проекттер тоғынчатханын таныхтаан. Республика оларда аралазып, чуртас-экономика тилiзiнең палғалыстығ кöп сурығларны пöгiп алған. Пис чыл аразына республика правительствозы федеральнай бюджеттең ахча кирерiн 7,5 хати öскiрiбiскен.
- Республикаа паза аның чуртағӌыларына хабасчатханы ӱчӱн Владимир Владимировичке алғызыбыс читiрчебiс. Хакасияны паза Россияны öңнендiрерiне пiснең палғалыстығ прай нименi идербiс! - теен Валентин Коновалов.
Сом Хакасия пазы пресс-службазыни
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 28 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде
