Пис орын музейлерні сабландырар
27.10.2023
Хабарлар
Хакасия пазы Валентин Коноваловтың устаанынаң наа проект ӱзӱрілче
Туризм. Хакасия правительствозы тигір алтындағы азых музейлерні тилідерін узарадар
Халғанҷы чылларда республикада туристтер хайиин тартарын ӧскірерінҷе улуғ тоғыс апарылған. Туризм – ол Хакасия экономиказының чахсы кӧстеглерінің пірсі, республикабыстың уғаа пай культура-тархын ис-пайын сабландырҷаң оңдай.
Ағбан ортызында килкім гостиницалар хыринда пис орын тӧстелер. Полғаны ла Хакасияның ӧӧн музейлерінің пірcінең (тигір алтындағы тӧрт азых музейнең паза Л.Р.Кызласовтың адынаң Хакас национальнай чир-суғ ӱгренҷең музейнең), алынҷа тархын хумартхызынаң паза пис кӱстің пірсінең: суғнаң, киинең, чирнең, отнаң, тархын кӱнінең – палғалыстығ полар.
Чыылығда, тигір алтындағы азых музейлерде аалҷыларға истіг тынанар ӱчӱн, оларның инфраструктуразының тилізі ӱзӱрілген. Проектте ӧӧн инфраструктурада алынҷа чардыхтарға амғы оңдайларны паза пірге дизайн-кодты, экологияа ӱрег ағылбинчатхан ниме-нооны паза чир-чайаанның ӧңнерін, хакас чонның хоостарын тузаланары кӧрілче.
Пу кӧстеглерні ідӧк Россия президенті В.В.Путиннің пастаанаң чуртасха кирілчеткен «Туризм паза аалҷыларны удурлаҷаң индустрия» нацпроектте тузаланарға чарир.
Сом Хакасия правительствозы пресс-службазыни
Автор :
Тимнеен Наталья Сюптерекова
| Пн | Вт | Ср | Чт | Пт | Сб | Вс |
| 26 | 27 | 28 | 29 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
