Хакасия полызыға маңзырапча!
15.11.2023
Хабарлар
Сергей Ромашов (сол саринаң ікінҷізі) иң кӱстенҷік тоғынҷыларға сыйыхтар читірген
Свердловск городтың паза Свердловск аймааның коммунальнай хоныхтарына полызарға килген Хакас Республиканың саай-нааҷылағ бригадазы піске ле полызарынаң тохтабинча. Пу наада сибирьдегілер Краснодон городтағы хонҷыхтарыбысха школалар паза олған садтарын тыхтирға полыс пиргеннер, аның ӱчӱн Краснодон городтың паза Краснодон аймааның устағ-пастаа пазы Сергей Козенконың алғыстастары читірілген.
«Сірернің полызииңар Краснодон городха паза аның чуртағҷыларына тузында иділді паза кирек полған. Сірерні чапчаң паза ус тоғызыңар ӱчӱн алғыстапчабыс, – алғыстаста таныхталча. – Прай чӱреебіснең амыр, чылығ, чахсы чуртас, чидіг паза ӧңненіс алғапчабыс. Мыннаң мындар ынағ хайызығларға паза чӧптіг тоғысха ізенчебіс».
Хакасия правительствозының Россияның наа регионнарынаң хада-пірге тоғынарынҷа чӧбінің аппарат устағҷызы Сергей Ромашов, тоғыс тӱзімін синдірбин, ідӧк чахсы тоғынарын узарадарға алғап, саай-нааҷылағ бригадазының иң кӱстенҷік ӱс кізізіне сыйыхтар читірген: ӧӧн специалист Дмитрий Беляевке, электрик-сантехник Антон Копыченкоға паза водитель Владимир Василенкоға. – Луганск Чон Республиказындағы харындастарыбысха полызары – Хакасиядаң пеер килген прай кізілерінің улуғ пӧгіні, – таныхтаан ол. – Пістің чон хаҷан даа кізінің чобалын чағын алчатханынаң паза сидік туста хабасчатханынаң сабланған. Піс Донбасстың кізілеріне амыр пос чуртасты тӧстирге кӱстенчеткеннеріне хабазарын узарадарбыс.
Сом авторни
Автор :
Свердловск городтың паза Свердловск аймааның устағ-пастааның істіндегі политика сурығларынҷа, халыхтарнаң палғалызарынҷа, печать паза искіріг киректерінҷе пӧлии
| Пн | Вт | Ср | Чт | Пт | Сб | Вс |
| 28 | 29 | 30 | 31 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
