Турыстыра таллағ идіңер
25.10.2023
Хабарлар
Армия резерві. Хазнада Россияның Тирігліг кӱстерінің резерві тӧстелче. Анда чазы хоостыра чааҷы службазын иртерге чарапчатхан кізее, ӧӧн тоғызын тастабин, поларға чарир
Хайди армия резервіне кіріп аларға?
1. Чуртапчатхан орындағы чааҷы комиссариадынзар резервсер кірердеңер сурыныс пічиин пирібізерге.
2. Профессиязы хоостыра чааҷы службазын иртерге чарапчатханын iлезіне сығарар тестированиенi паза хазиин сыныхтир комиссияны маңнаныстығ иртібізерге.
3. ФСБ-да паза МВД-да иртірілген сыныхтағ мероприятиелерінеңер справкалар алып аларға.
4. Чааҷы комиссариадында предписание алып, тӧстелчеткен чааҷы частьынзар парарға.
5. Физическай тимненісче кӧрілген нормативтернi тудыбызарға, аттестация комиссиязын иртібізіп, контракт идіп аларға.
Резервте полза:
– кізі чааҷы должнозына турғызылча, ағаа чааҷы званиезі пирілче;
– резервтегі кізі, ӧӧн тоғызын тастабин, чаа ӱгредіглерін, тренировкаларны иртче.
Контракт 3 чылға иділче.
Резервте полчатхан ӱчӱн чал ахчазы тӧлелче
Ӱгредіг мероприятиелерінде араласпинчатхан тустарда чааҷы должнозы паза чааҷы званиезі окладының 12 проценті ай сай тӧлелче:
рядовойға – 2700 – 3200 салковай;
сержантха – 3300 – 4500 салковай;
офицерге – 5000 – 6300 салковай.
Чаа ӱгредiглерінде араласчатхан ӱчӱн (мында тӧлег чааҷы должнозынаң палғалысча):
рядовойға – 17500 – 26300 салковай;
сержантха – 27100 – 36900 салковай;
офицерге – 37700 – 51900 салковай.
Льготалар паза компенсациялар
Резервтегi кізі чаа ӱгредіглеріне, тренировкаларға тартылчатхан тусха аның тоғынчатхан орны паза ортымах чал ахчазы артызылча, хайраллал халча.
Чааҷы службазын толдырчатхан туста паза олох орында тикке ӱс хати азырапчалар.
Резервте полчатхан прай тусха чааҷы кип-азаа тикке пирілче.
Ӱгредіг мероприятиелері иртірілчеткен туста резервтегі кізiнің хазии тикке сыныхталча, имнелче паза ағаа кирек имнер iдӧк тикке пирілче.
Чааҷы службазын толдырчатхан туста резервтегі кізінің чуртазына паза хазиина федеральнай бюджет ахчазына хайди даа хазна страхованиезі идiлче.
Резервтегi кізее чаа ӱгредіглерi иртiрiлчеткен орынзар парарға паза аннаң айланарға аймах транспорт кӧрімнерінең тикке чӧрер оңдай пирілче.
Россия правительствозы турғысхан оңдайҷа чуртты арендаа алчатхан ӱчӱн ахчалығ компенсация пирері кӧрілче.
Резервке кірерге мындағ пічіктер кирек:
– сом (алнынаң, 9х12 см, кистінде фамилиязы, ады паза отчествозы, пирчеткен тус кӱні пазылых ползын);
– автобиография (2 экземпляр, пірсі холнаң пазылған ползын);
– анкета (аның бланкын чааҷы комиссариадында алып аларға чарир);
– ӱгредігдеңер пічiктернің хобырғаннары;
– iстеніс киндезінің хобырғаны (пар полза);
– тоғынған халғанҷы орыннаң (ӱгредігдең, службадаң) служебнай характеристика;
– тура книгазынаң выписка (пар полза);
– паспорттың, чааҷы биледінің, тӧрееннеңер свидетельствоның, хоных хонғаннаңар паза палалар тӧрееннеңер свидетельстволарның хобырғаннарын (пар полза).
Кандидаттарға поларға кирек
чазы хоостыра:
– рядовойлар, сержанттар, прапорщиктер – 52 часха теере;
– кiчіг офицерлер – 57 часха теере;
– улуғ офицерлер – 62 часха теере;
хазии хоостыра:
– чааҷы службазын иртерге чарапчатхан (А категория) алай сала хызырылған оңдайларҷа чааҷы службазын иртерге чарапчатхан (Б категория);
профессияҷа психология таллаа cалтарларынҷа:
– таллап алған специальностьха чарапчатхан пастағы, ікінҷі алай ӱзінҷi категория алып аларға;
ӱгредии хоостыра:
– ӧӧн тиксі ӱгредігдең тӧбін нимес (9 класстаң) поларға кирек.
Мындағ кирек полза, кізі кандидатха алылбас:
– харибде одырып, хатығлас ирткен полза;
– наркотикнең алай психотропнай нимелернең тузаланып, административнай хатығласха тартылған полза;
– аннаң тоғыр пыролапчатхан чарадығ алылған паза хатығлас пирілген полза, дознание алай азынада iстезiг апарылчатхан полза алай уголовнай кирек чарғызар пиріл парған полза.
Мобилизацияа тартылар кізілер резерві – запаста полчатхан кізілер, резервте полардаңар кӧрілген оңдайнаң контракт идіп алзалар:
– пастағы контракт 3 чылға иділче;
– наа (теестегi) контракт 3 чылға, 5 чылға алай резервте полар тус тоозылғанҷа иділче.
Автор :
| Пн | Вт | Ср | Чт | Пт | Сб | Вс |
| 28 | 29 | 30 | 31 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 1 |
Кӱн таңмазы
Хакасияда
Россияда
Тилекейде
