Хакасияның чидіглерінеңер чоохтады
21.11.2023
Хабарлар
Пӱӱн, кічіг хырлас айының 21-ӌі кӱнінде, ВДНХ-да «Россия» чоннар аразындағы кöзідігде Алтай, Тыва паза Хакасия кӱннерi таныхталча.
Хакасия пазы Валентин Коновалов республикабысты кöзіткен соонаң «Россия-24» телевидение каналына интервью пирген. Ööн чоох республиканың чидіглерінеңер паза ВДНХ-дағы кöзідiгдеңер парған. Чоохтазығда ідöк инвестиция проекттеріне теелгеннер.
Республика пазы Валентин Коноваловнаң интервьюны пу ссылкаӌа кöріп аларға чарир: https://smotrim.ru/video/2717240.
Чоохтирға кирек, пӱӱн республикабыс кӱніне “Россия” чоннар аразындағы кöзідігнің аалӌыларына алғым программа тимнелген: культурабыстаңар, тархыныбыстаңар, хакас чон кип-азаанаңар ӱзӱріглер, ученай Николай Катановтың ис-пайынаңар паза чир-чайаанынаңар лекциялар ирткен (75 павильондағы кічіг залларда); 17.00 частаң пасти (Москвадағы тус) 19.30 часха теере культура проекттері орнында концерт программазы кöрілче. Сценаа сығарлар «Алтыр» мода театры, «Ӱлгер» фольклор ансамбльы, Евгений Улугбашев. «От ыры Москвада» концерт программазы алынӌа тимнелген. Хакасия кӱні «Кӱн сузы» ансамбльның «Чайлағдаң хыстаға» ойынынаң тоозылар. Ол ööн сценада иртер.
Ідöк республика аалӌыларға путевкалар сыйыхха тимнеп пирген. Сыйыхтарға ойын 19.00-20.00 частарда иртер.
Кино музейінде Ханжонковтың адынаң залда «Хам арах» (режиссер Михаил Мерзликин), «Белая дорога Эльзы»(режиссер Юрий Курочка) паза Дзиги Ветровтың залында «Хакасские Страдивари» фильмнер кöзіділер.
Хакасия кӱні ВДНХ-да азылчатханын кӧні эфирда пу ссылкаҷа кӧрерге чарир: https://russia.ru/video/russia-expo-online.
Сом Хакасия пазы пресс-службазыни
Автор :
Наталья Сюптерекова
| Пн | Вт | Ср | Чт | Пт | Сб | Вс |
| 28 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде
