Хантигірҷілерге хозылыңар!
22.11.2023
Хабарлар
Хакасия чуртағҷыларының хантигірҷілер отрядына хозылар оңдай парынаңар искірче республика пазы Валентин Коновалов.
Аның сӧстерінең, «Россия» кӧзідіг-форумда Хакасияның кӧзідіг орнынзар республикабыстың хаҷанғы нанҷызы лётчик-хантигірҷі Олег Артёмьев кил парған.
Валентин Коновалов Олег Германовичнең чоохтасхан, хантигірҷі киреен сабландырарына улуғ хозымы ӱчӱн паза чуртағҷыларны чир-сууларына хынарға ӱгретчеткен ӱчӱн, чиит тöлге турыстыра кӧзідім полчатхан ӱчӱн алғыстаан.
Хантигірҷі тузалығ искірігнең ӱлестір: 2023 чылның улуғ хырлас айының 20-ҷі кӱніне теере Россияның хайдағ даа чуртағҷызының, кем турғызылған кирексіністерге килісче, хантигірҷілер отрядына наа талластыриинда аралас полар. Аның ӱчӱн ағаа пічіктерін, ол санда имнег сыныхтааның салтарларын, Ю.А.Гагариннiң адынаң Хантигірҷілерні тимнеҷең кіннің адрезіне почтаҷа ызарға кирек. Алғыда искіріг пирілче мында: https://www.gctc.ru/main.php?id=6351.
2024 чылның кӧрік айында хан тигірні аптаҷаң наа кандидаттарның аттары искірілер.
Сом Хакасия пазының пресс-службазыни
Автор :
Тимнеен Наталья Сюптерекова
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
