Чонға тарифтер алыспас
20.12.2023
Хабарлар
![Чонға тарифтер алыспас Чонға тарифтер алыспас](/upload/iblock/cd4/1l3aivcvv41ujsru6h9f1115uokdnsrl.jpg)
ЖКХ сурии. Хакасия чуртағҷыларына коммунальнай полызығлар ӱчӱн тарифтер 2025 чылның от айына теере алыспин халарлар паза 2023 чылдағызына тиңнелерлер
Киҷее Хакасияның энергетика паза тарифтерні сыныхтағда тударынҷа хазна комитеді «2024 чылға Хакас Республиканың муниципальнай пӱдістерінде чылығ, суғ пирҷең паза суғ ағысчаң киреенде чонға льготалығ тарифтер турғызарынҷа» чарадығны алыбысхан.
Хакасияның правительствозы коммунальнай полызығлар ӱчӱн тарифтер ӧскірбестеңер чарадығ алыбысхан. ЖКХ ӱчӱн тӧлег 2022 чылның улуғ хырлас айында 9% ӧс парған нооза.
Республикада чонға льготалығ тарифтердеңер закон тоғынчатхан сылтаанда, 2024 чылда тарифтер алыспастар. Суғ паза чылығ пирҷең организацияларға читіре алылбаан парыс республика бюджедінең тӧлелче. Чонға хабазарына кӧстелген читіре алылбаан парыс ӱчӱн компенсация полған на ӱс ай тудылбин пирілче. Экономика саринаң тарифтер ортымахти 15 процентке ӧс парар, аннаңар республика бюджедінең субсидия сині хозылар. Іди регион бюджедінең суғ, чылығ пирҷең организацияларға тиксі 600 миллионға чағын салковай тӧлелер. Пӱӱл пу пӧгінге республика бюджедінең 346 миллион салковай позыдылған.
Коммунальнай полызығлар ӱчӱн тарифтер полған на организацияа алынҷа саналча. Аның сині инфраструктура тилізінең паза потребительлер санынаң палғалыстығ, чуртағҷылар саны кӧп полза, тариф сині тӧбін полча. Кӧзідімге, «Водоканал» МУП-ха пір кубометр соох суғ ӱчӱн – 14,05 салковай, «Абаза-Энерго» ООО-ға – 21,41 салковай. Ағбанда чуртағҷылар саны кӧп, Абаза городнаң тиңнестірзе, аннаңар тарифтер пасхалалча.
Хакасия правительствозының официальнай порталында энергетика паза тарифтерні сыныхтағда тударынҷа хазна комитедінің страницазында муниципалитеттерҷе прай тарифтерні кӧріп аларға чарир. «Справочнай информация для населения» пӧлікте чонға интерактивнай тарифтер картазы пар.
Чоохтирға кирек, чуртағҷыларға ЖКХ ӱчӱн тӧлег паза тариф пір ниме нимес. Тариф – полызығ ӱчӱн паа, кӧзідімге, киловатт, кубометр, квадрат метр. ЖКХ ӱчӱн тӧлег – тарифке хаталған объем.
Похсахты сығара тартхан ӱчӱн тариф алыспаан. Чарытхы ӱчӱн тариф соонаң алынҷа турғызылар.
Автор :
Александра Шлык
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде