Ікі аалда – мал чуғынҷағы
27.12.2023
Хабарлар
![Ікі аалда – мал чуғынҷағы Ікі аалда – мал чуғынҷағы](/upload/iblock/9cc/a0ga0u5yrwvfbryum872ojjybm84tkpc.jpg)
Аал хонии. Ирткен неделяда Ағбан пилтірі аймааның Сапогов аалында 11 пос хониинда малларда узелковай дерматит ағырығ сығысхан
«Ветеринариядаңар» хазна законы хоостыра ағырығ тарабас ӱчӱн, Хакасияның правительствозында мындағ чарадығ алылған: Сапогов аалда паза аннаң 30 километрге теере оортах орныхчатхан орыннарда прай хоныхтардағы маллар, хойлар, аттар, сосхалар сыныхталар паза санға алылар; чуртағҷыларнаң чыылығлар иртіріп паза газета пастыра узелковай дерматит ағырығны хаптырып алар ибдегі малларны, оларның идін паза сӱдін садарға, ол малларны соғарға чарадылбинчатханнаңар искірерге; аал хонии ярмаркаларын паза кӧзідіглерін иртірерге чарадылбинча; ибдегі мал-хусты хазааларда тударға киректелчеткеннеңер чонға искірерге; ағырығ табылған орыннаң парчатхан чолларда дезинфекция иртірҷең сыныхтағ посттарын турғыс саларға; ағырығдаң ӧл парған паза ағырығ сығысхан орында чох иділген ибдегі малларны ӧртир орын таап саларға; МВД органнарына аал хонии министерствозына мал ӧскірчеткен хоныхтарны сыныхтирында полызарға; ағырығны хаптырып алар малларға вакцина турғызары паза оларны чахсы сыныхтиры.
Хакас Республикаҷа, Туваҷа паза Кемеров облазынҷа аал хонии сыныхтаа устанызына аал хонии маллары паза ас-тамаа таарлалчатханын, садылчатханын чахсы сыныхтирға чахығ пирілген.
Хакасияның аал хонии паза ас-тамах министерствозының ветеринария департаментіне малларны, итті, сӱтті, сӱттең тимнелген ас-тамахты паза мал азиин тартарына пічіктерні тимнирін улуғ хайығда тударға чахығ пирілген.
Пу кӱннерде Алтай аймаандағы Хубачар аалда пос хониинда ікі інектің узелковай дерматитнең ағырчатхан пілдіріглер сығысхан. Комиссия чарадиинҷа пос хонии орныхчатхан орамада карантин кирілген паза сыныхтағ посты турғызылған.
Ветеринар устанызының тоғынҷылары Хубачар аалдағы паза аннаң 30 километрге теере оортах ааллар хоныхтарында вакцинация иртірчелер.
Автор :
Хакасияның аал хонии паза ас-тамах министерствозы
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде