Хакасия Луганск Чон Республиканың Cвердловск городының кiчiг чуртағӌыларының сағынған сағыстарын толдырча
05.01.2024
Хабарлар
![Хакасия Луганск Чон Республиканың Cвердловск городының кiчiг чуртағӌыларының сағынған сағыстарын толдырча Хакасия Луганск Чон Республиканың Cвердловск городының кiчiг чуртағӌыларының сағынған сағыстарын толдырча](/upload/iblock/e72/xjazcgwdy7kiewmnz47hjf22w0adur38.jpg)
«Елка желаний» тиксi Россия акциязы муңар паланы öрiндiрген. Iди аның сылтаанда Свердловсктың оолах-хызыӌахтарның сағыстары iдöк толды. Оларның сағыстарын Хакасия пазы Валентин Коновалов толдырған.
Ол, «Елка желаний» акцияда аралазып, Свердловсктың тöрт олғанның сағызын толдырған. Хакасия пазының адынаң сыйыхтарны палаларға Хакасия пазының орынӌызы Сергей Комаров паза Свердловск муниципальнай округтың пазы Андрей Сухачев читiргеннер.
Iди Дмитрий Петренко футбол ойнаӌаң меспек паза спорт формазын алған. Оолағас спортнаң öткiн айғасча.
Пасха ӱс пала пiр сöбiреде öсче. Олар Червонопартизанскта чуртапчалар. Харындас-пиӌелер «Елка желаний» акцияда iдöк араласханнар. Иң кiчии – Дима. Ағаа тöрт час. Ол машинка ойнаӌах сурған, аның пиӌезi Ева – кöгенек. Палаӌахтар наа машина-легоға паза сiлiг кöгенекке уғаа öрiн парғаннар. Оларның улуғ пиӌелерi Cофия Наа чылға Москвазар пар килерге сағынған. Аның сағызын табырах толдырарға амды оңдай чоғыл, че соонаң ол хазнаның кiнiнзер хайди даа пар килер.
Ööн сыйыхтардаң пасха, акцияның кiчiг араласчыларына тадылығ сыйыхтар читiрiлген. Андрей Сухачев олғаннарны чағдапчатхан ӱлӱкӱннернең алғыстаан паза хайхастарға киртiнерге алғаан. Хайди пiс кöрчебiс, олар толчалар.
Сом Свердловск г. паза Свердловск аймаа администрациязыни
Автор :
Тимнеен Оксана Сунчугашева
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде