Тоғынҷаң план чарадыға алылған
24.01.2024
Хабарлар
![Тоғынҷаң план чарадыға алылған Тоғынҷаң план чарадыға алылған](/upload/iblock/dc9/50oeckybnxblmrpdgtxrmro2eoqr2vm0.jpg)
Чыылығ тузында
Ӧӧркі Чӧп. Хакасияның Ӧӧркі Чӧбіндегі чииттер политиказынҷа эксперт чӧбі пастағы чыылиин иртірген
Хакасияның Ӧӧркі Чӧбінде эксперт чӧптерін тӧстирі узарадылча. 19 январьда чииттер политиказынҷа эксперт чӧбі пастағы чыылиинда тоғыс планын тимнеен. Чағынғы туста республиканың пос кӧңнiнең полысчатхан кирекке теелчеткен законынзар чӧптер тимнел парар.
«Чӧптің прай даа араласчыларын таныпчам. Піс оларнаң хада проекттерде паза пос кӧңнiнең полысчатханнар чӧрімінде кӧп араласхабыс. Аннаңар чӧпсер кіргеннернің пілістерінде ікінҷілес пір дее чоғыл. Ізенчем, пістің тоғызыбыс салтарларға ағылар», – сағыс-кӧрізінең ӱлесче Хакасияның Ӧӧркі Чӧбінің чииттер политиказынҷа комитедінің кнезі Александр Пащенко.
Хакасияның Ӧӧркі Чӧп кнезінің чарадиинҷа эксперт чӧбі тоғызынаң Н.Ф.Катановтың адынаң ХГУ-ның чииттер политиказынҷа проректоры Светлана Шмидт устир.
«Пістің полғаныбыс ла чииттернең чоох алысча, оларның чӧптерін паза сағыс-кӧрістерін чыыр оңдайлығ. Тоғынҷаң планны тимнеенде, прай кӧстеглерні санға аларға кӱстенгебіс: инфраструктураны, ахчаны, чииттерге хабазарын, оларны табығларда араластырарын. Амғы туста федеральнай синде чииттернің пастағларына улуғ хайығ салылча, аннаңар Ӧӧркі Чӧпте Чииттер парламенті тӧстелгені уғаа орта. Андар пістің вузтарның студенттері кір парғаны ӧріндірче. Тоғыс тузында піс чииттерібістің паза эксперт чӧбінең тоғынарға тартылған кізілернің сағыс-кӧрізін санға аларбыс, пасха регионнарның опыдын ӱгренербіс, пӱӱнгі чиит улустың хайдағ кирексіністер парын чахсы піліп алар ӱчӱн. Киртінчем, пу оңдайнаң пірге тоғынзабыс, піс Хакасиядағы чуртасты чахсыландырарбыс, салтарында пістің чииттер регионыбыста хал турарлар», – тимнегліг чыылығның салтарларынҷа сағыс-кӧрізін искірген Светлана Шмидт.
Таныхтирға кирек, эксперт чӧптері республика парламентінің кнезі Сергей Соколның пастаа хоостыра тӧстелгеннер. Эксперттернің алнында турчатхан пӧгіннер санында – Хакас Республиканы чуртас-экономика саринаң тилітчең ӧӧн кӧстеглерҷе чӧптерні тимнирі.
Сом авторни
Автор :
Хакасияның Ӧӧркі Чӧбінің хабарлар пӧлии
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде