«Мобильнай табығҷынаң» хайда даа ӱн пирерге чарир
31.01.2024
Хабарлар
![«Мобильнай табығҷынаң» хайда даа ӱн пирерге чарир «Мобильнай табығҷынаң» хайда даа ӱн пирерге чарир](/upload/iblock/d7a/sb49wj2rpi9q2m833afwru4plskrsjx3.jpg)
Табығлар-2024. Пӱӱл хазна чуртағҷылары Россия президентін табарлар. Ӱн пиріс ӱс кӱн иртер – кӧрік айының 15,16 паза 17 кӱннерінде
Закон хоостыра табығҷылар чуртапчатхан орында санға алылғаны хоостыра ӱн пирчелер.
Че ӱн пиріс кӱннерінде пасха чирде пол парғаннарға хайди поларға? Сылтағлар аймах-пасха полчалар: командировка, ӱгреніс, вахтанаң тоғынғаны, тынағ алай пасха регионда, пасха адресче тӧреміл чуртааны. Мындағ алай пасха тӧӧй киректерде «Мобильнай табығҷы» полыс пирер!
Мобильнай табығҷы» – ол оңдай, хайзының полызииның табығҷы Россия президентіне табығлар тузында полчатхан орында позына ӱн пирҷең табығ участогын таллап алар.
Анзына ӧнетін айланыстығ пічік тимнирге кирек. Ол сидік нимес паза ӱр тус кирексібинче.
Айланыстығ пічікті 2024 чылның кӱрген айының 29-ҷы кӱнінең сығара кӧрік айының 11-ҷі кӱніне теере Россияның хайдағ даа регионында полып пазыбызарға чарир:
– хайдағ даа территориальнай табығ комиссиязында:
Хакасияда территориальнай табығ комиссиялары айланыстығ пічіктерні алчалар:
тоғыс кӱннерінде – 9.00 частаң 18.00 часха теере
тынағ кӱннерінде паза ӱлӱкӱннерде – 10.00 частаң 14.00 часха теере;
хайдағ даа МФЦ пӧлиинде – тоғыс тузында;
«Хазна полызығлары» порталда – хайда даа туста, анда санға алылғаны киречілелген полза.
Аннаң пасха 2024 чылның кӧрік айының 6-ҷы кӱнінең сығара кӧрік айының 11-ҷі кӱніне теере айланыстығ пічікті хайдағ даа участковай табығ комиссиязынзар пирерге чарир:
Хакасияның участковай табығ комиссияларының айланыстығ пічіктерні алҷаң кӱннердегі тоғыс графигі:
тоғыс кӱннерінде – 16.00 частаң 20.00 часха теере
тынағ кӱннерінде – 10.00 частаң 14.00 часха теере;
Айланыстығ пічік пирілген соонаң табығҷы чуртапчатхан орында санға алылған списоктаң сығарылча, аннаңар искіріглер ол таллап алған табығ участогындағы табығҷылар списогынзар кирілче.
Табығ участогын, хайда ӱн пирерге килістіре полар, Россияның Ӧӧн табығ комиссиязының сайтындағы «Информирование об избирательных комиссиях и комиссиях референдума» саннығ сервис полызиинаң таап аларға чарир. Пу паза пасха даа сервистер ӧӧн страницадалар. Ідӧк табығ участогын территориальнай паза участковай табығ комиссияларының алай МФЦ специалисттері, айланыстығ пічік пасчатса, полыс пирерлер.
Айланыстығ пічік пір ле хати пирілче паза паспорт хада полза ла!
Кирек алыс парза, полчатхан орынҷа ӱн пирердеңер айланыстығ пічіктің кӱзін тохтадыбызарға чарир.
Ол территориальнай алай учасктовай табығ комиссиязында алай МФЦ-да пазылған полза, оларның хайзынзар даа паспорттығ айланарға чарир. «Хазна полызығлары» портал пастыра пазылған айланыстығ пічіктің кӱзін анда ла тохтадарға чарир.
Сірернің полчатхан орынҷа ӱн пирердеңер сурығлар халған полза, Хакас Республиканың Табығ комиссиязының «iзіг линиязынзар» пу телефонҷа сығдырадыңар: 8(3902)22-25-62.
Автор :
Хакас Республиканың Табығ комиссиязы
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде