«Каданс» хор «Ну-ка, все вместе! Хором!» вокал шоузында азах меетке сыхты
03.02.2024
Хабарлар
Шоуның наа сезонының премьеразы «Россия-1» телеканалда ирткен. Сценаа сыхханнар: Наталья Гилева, Дарья Белозёрова, Элеонора Зауэр, Арина Милованцева, Татьяна Бизюк, Валерия Ганенко, Екатерина Потылицына, Виктория Хамракулова, Мария Гродникова, Альфия Семёнова, Лада Волкова, Таисия Богатырёва, Дарья Сафонова, Евгения Якубенко, Вера Беленкова паза Никита Тихонов (сурдопереводнаң ырлаан).
Шоуның пастағы чардығында Хакас Республиканың филармониязының олған филармониязының «Каданс» хоры А. С. Даргомыжскийнің «Русалка» операзын толдырған, 100 ӱннең 96 ӱн чыып алған. Анаң чарғы сурынызынаң хоза марығда Юрий Энтиннiң сӧстеріне Евгений Крылатовтың кӧӧнҷе «Прекрасное далёко» сарынны толдырғаннар.
Олған филармониязының паза "Каданс" хорның хоос устағҷызы, Хакасия культуразының саблығ тоғынҷызы Марина Штарк полча.
Хакасия пазы Валентин Коновалов хор араласчыларын шоуның азах меедіне сыхханынаң алғыстапча паза мыннаң мындар чидіглер паза чиңіс алғапча.
Чоохтирға кирек, шоуның страницазында пу ссылкаҷа: https://vk.com/wall-208767295_49725 – тун сығарыстың иң артых толдырған ӧмені таллирынҷа ӱн пиріс иртче.
Оңдайлар олаңай:
- шоу группазының (https://vk.com/wall-208767295) араласчыларының на ӱннері санға алылча, аннаңар хайди даа, группаа пазынып, ӱн пиріңер;
- пір саңай нинҷе-де ӧмее ӱн пирерге чарир.
Автор :
Тимнеен Наталья Сюптерекова
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде