Хакасияда Владимир Путиннің ӱчӱн 85,28%
18.03.2024
Хабарлар
Табығлар-2024.
Хакасияның Табығ комиссиязының кнезі Александр Чуманин ӱс кӱн ирткен ӱн пирістің салтарларын искірген. Хазна пазына табығларда ікінҷілес чох амғы президент Владимир Путин чиңіс тутхан.Тиксі Россияда азынада сананыстарнаң (протоколларның 95%-ін сыныхтаан соонаң) аның ӱчӱн табығҷыларның 87,32%-і ӱн пиргені ілезіне сығарылған.
Хакасияда пос посты сығарған кандидат Владимир Путиннің ӱчӱн табығҷыларның 85,28%-і ӱнін пирібіскен.
Ікінҷі орында – Николай Харитонов (КПРФ). Ол Хакасия табығҷыларының 5,84% ӱнін чыып алған.
Ӱзінҷі орында – Владислав Даванков («Новые люди»). Аның ӱчӱн пістің табығҷыларның 4,01%-і ӱн пирген.
Халғанҷызы – Леонид Слуцкий (ЛДПР). 3,03% ӱн чыып алған.
Табығҷыларның араласханы пістің республикада –74,38%. Тиксі 286712 кізі ӱн пирген. Александр Чуманиннің таниинаң, республикада ирткен пасха табығларнаң тиңнестірзе, Хакасия чуртағҷылары пу табығларда иң ӧткін араласханнар тиирге чарир. Сибирьдегі федеральнай округта табығҷыларның ӧткін араласханы хоостыра піс тӧртінҷі орындабыс. Пістің алнында Кемеров облазы, Тыва Республика паза Хызылчар крайы ла тіп чоохтаан Хакасияның Табығ комиссиязының кнезі. Ідӧк аның искіриинең, пу табығлар сайбағлар чох амыр ирткен. Харатаста ла пір чиит оол табығ участогында петардалар кӧйдіріп кире тастабыстыр. Аны тудып алтырлар, уголовнай кирек азылтыр. Табығлар тузында хоптар пір дее кірбеендір.
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 1 | 2 | 3 | 4 |
Кӱн таңмазы
Хакасияда
Россияда
Тилекейде
