Чайаачыларға хынчалар
03.04.2024
Статья
Олғаннар композитор Антонина Аршанованаң тоғасханнар
Тоғазығ
20 мартта Ағбандағы «Машенька» олған садында хайхастығ тоғазығ ирткен. Олғаннарзар саблығ композитор Антонина Аршанова ааллап килген. Чайаачы кізіні «Аклай» паза «Ынархас» группаларның палалары удурлааннар. Иркеҷектер хакас тілін ӱгренчелер паза чоныбыс чайаачыларынаң чоох алызарға хынадырлар.
Олғаннар аарлығ аалҷаа улуғ нимес концерт кӧзіткеннер. Олар Антонина Егоровнаның «Іҷеме», «Хызыҷаам», «Сыбыҷах» сарыннарын толдырғаннар паза чапсых теелбектерін кӧзіткеннер. Антонина Аршанова иркеҷектерге кӧп хынығ паза чапсых нимелер чоохтаан. Паза позының ырларын сарнап пирген, палаларны ӧріндіріп, прай чӱреенең улуғ нимес сыйыхтар читірген.
Мындағ чалахай тоғазығны иртірерінде олған садының воспитательлері паза іҷе-пабалар араласханнар. Прайзы даа, чахсы тынанып, тусты тузалығ иртірген.
Фатима Араштаева, «Машенька» олған садының музыка устағҷызы
Сом авторның архивінең
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 31 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде