Ӱлӱкӱннер алнында арачылағ оңдайларын тыытчалар
19.04.2024
Хабарлар
Чыылығ тузында
Чыылығ. Республика пазы Валентин Коноваловтың устаанынаң Хакасияның терроризмнең тоғыр комиссиязының чыылии ирткен
Анда республиканың право хайраллаҷаң органнарының, толдырығлығ ӱлгӱ органнарының паза муниципальнай пӱдістернің кізілері араласханнар.
– Иң не пастап, прайзына хорғыстарға, ол санда терроризмнең палғалыстығларға, тимненісті узарадарға кирек, – таныхтаан республика пазы.
Тоғазығ тузында алынҷа хайығ Часхы паза Істеніс ӱлӱкӱнін, Илбек Ада чаадағы Чиңістің 79-ҷы чылына чарыдылған пайрамнығ мероприятиелерні иртірчеткен туста кӧп чон чыылысчатхан орыннарны арачылирына, анда хорғыс чох поларына, терроризм акттарын паза андағ кӧстегліг сайбағларны азынада тохтадарына салылған.
Пайрамнығ мероприятиелерні сайбағлар чох иртіреріне федеральнай паза республиканың толдырығлығ ӱлгӱ органнары, орындағы пос устаныс органнары тимнегліг-профилактика, оперативнай-тілег, административнай, терроризмні паза пасха даа сайбағларны азынада тохтадарына кӧстелген мероприятиелер комплексін толдырчалар. Хайди таныхталған чыылығда, халыхтар орыннарында хадағ тоғызын право хайраллаҷаң органнарның тоғынҷылары чон дружинниктерінең, хадағ организацияларынаң, министерстволарның паза ведомстволарның кізілерінең хада апарарлар.
Аннаң пасха, чыылығ араласчылары Хакасия чиріндегі топливо-энергетика комплексінің объекттері терроризмнең арачылалғанын, транспорт инфраструктуразы объекттерін инженер-техника паза хадағҷылар полызиинаң арачылирын тыыдар сурығларны ӱзӱрібіскеннер.
– Объекттернің филиалларын ас хорадығларнаң арачылап аларға чарир, пос опыдынаң тузаланыңар, – таныхтаан Валентин Олегович.
Пӱӱнгі кӱнде топливо-энергетика комплексінің чирлерінде паза объекттерінде арачылағ оңдайлары тыыдылған, хадағның паза терроризмнең тоғыр арачыланыстың алынҷа режимі кирілген. СШГЭС-сар чолда автотранспорттарны сыныхтаҷаң мероприятиелер иртірілче, ол санда тимір чол тахтазы кизіре чолда. Гражданскай авиацияның паза тимір чолның кӧп кізі чыылысчатхан прай объекттерінде хорғыстарны ілезіне сығарҷаң техника тиріглері пар.
Сом r-19.ru cайттаң
Автор :
Алина Кузнецова
Пн | Вт | Ср | Чт | Пт | Сб | Вс |
29 | 30 | 31 | 1 | 2 | 3 | 4 |
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде