Ағбандағы аймахтар аразындағы клиникалығ имнег туразы чуртағӌыларны хазиин сыныхтанарға хығырча. Ол понедельник-пятница кӱннерде 8.00 – 18.00 частарда, субботада 8.00 – 14.00 частарда тоғынча. Аның адрезi: Ағбан г., Чертыгашевтiң ор., 57. Анда 259№ кабинетсер айланарға кирек. Пос хазиин чуғынӌах нимес чöреес ағырығларны, ол санда онкология ағырығларын, тузында iлезiне сығарар ӱчӱн профилактика оңдайынаң сыныхтанып аларға чарир. Ағырығлар иртеезiн iлезiне сығарылза, оларның улғаатчатханын тохтадып аларға хай-хай оой поладыр, пiреезi имнел тее парча.

Хада паспорт паза имнег страхование полизiн (ОМС) аларға. Алғым искiрiгнi пiлiп аларға паза азынада пазын саларға чарир пу телефонӌа: 8(3902)306-003.

Сом интернеттең алылған