Денис Мантуров Хакасияда пол парыбысты
19.06.2024
Хабарлар
![Денис Мантуров Хакасияда пол парыбысты Денис Мантуров Хакасияда пол парыбысты](/upload/iblock/313/qe90eibvqzxh99zaxtelp6f73arykh5l.jpg)
Тоғыс чорығы. Россия Правительствозы кнезінің пастағы орынҷызы Денис Валентинович Мантуров Хакасияда тоғыс чорығынаң пол парыбысты
Денис Мантуров алында вице-премьер полған паза Россияның промышленность паза садығ министерствозынаң устаан. Наа правительствода Денис Валентинович технологиялар тилізін, промышленность паза арачыланыс кӧстеен хайығда тутча, ідӧк инновацияларҷа тоғыс салтарларын чуртасха кирерге хабазары ӱчӱн нандырча.
Россияның пастағы вице-премьері Хакасия пазы Валентин Коноваловнаң хада республиканың ікі ӧӧн промышленность предприятиелерінде – «РУСАЛ САЯНАЛ» паза «РМ Рейл Абаканвагонмаш» заводтарда – пол килген, оларның сығарызынаң танысхан паза сығарыс кӱзін паалаан.
Денис Мантуровха «САЯНАЛ-2» заводтың пӱдіріг проектін кӧзіт пиргеннер, ол амғы сығарыс хыринда орнығар. Заводты тоғындырып, «РУСАЛ» компания кӱзін пілдірте хозар паза Россияда алюминийні сығарчатхан иң килкім предприятие полыбызар.
![](/news/IMG_20240619_141633_677.jpg)
– Алюминийні тимнеп, піс чылда 1,1 миллион тоннаны аза халғабыс, 2030 чылға теере чылда 2,5 миллион тонна тимниріне сығарға кирекпіс. Піс Хакасия ідӧк пу кӧстеге позының хозымын идеріне ізенчебіс. Мин алюминий заводының фольга сығарҷаң орыннары алғыдыларынаңар чоохтапчам. Пӱӱнгі кӱнде чырғалда пу ниме-нооға кирексініс пары таныхталча.
Хада тоғынчатхан арғыстар инвестиция проектін тимнееннер, піс оларның сағыстарынаң танызып алғабыс паза Россия правительствозы адынаң РУСАЛ-ның кластердегі инвестиция платформазынҷа сурынызын ӱзӱрерге тимдебіс, – таныхтаан Денис Мантуров.
Валентин Коновалов, Денис Мантуровнаң алынҷа тоғазып, регионның промышленность тилізі, кӱстіг инвестиция проекттерін чуртасха кирерін, кӧзідімге, «Хакас технология ойымы» промышленность-сығарыс кӧстегліг алынҷа экономика орнын тӧстирінҷе сурығларны ӱзӱрген. Ойымда Россия чырғалына кирек ниме-ноо сығарҷаң проекттер чуртасха кирілер.
Ӱзӱріге ідӧк республиканың ниме-нооны аннаң андар тимнепчеткен промышленность предприятиелерінің тиліс оңдайлары, пос киреене хабазар оңдайларны читірері сығарылған. Хара тас аныпчатхан регионнарға ағырсымнығ сурығ кӧдірілгенӧк. Ол Западтың ыырластығ хатығластар политиказы тузында хара тасты іскеркі саринзар экспортха ызары хызырылғанынаң палғалыстығ.
![](/news/IMG_20240619_141405_669.jpg)
Хакасия правительствозы алнында турчатхан пӧгіннернің хай піреезі федеральнай кін хабазии чох пӧгілбестер. Денис Мантуров ізендірген, позы саринаң прай саринаң хабазар.
Валентин Коновалов Денис Мантуровха республикаа паза аның чуртас-экономика тилізіне теелчеткен сурығларға хайии ӱчӱн алғызын читірген:
– Сірерні тус тапхан ӱчӱн алғыстапчам, таныхталған сидіксіністер чахсы пӧгілеріне паза чӧптерібіске хабазығ поларына ізенчем.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 31 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде