Хазна Думазы табығларында араласча
21.06.2024
Хабарлар
![Хазна Думазы табығларында араласча Хазна Думазы табығларында араласча](/upload/iblock/244/mwn6xvvutrqbi010amt8w6oslxsqxdrc.jpg)
Валентин Коновалов, Николай Шульгинов паза Сергей Сокол тоғазығ соонаң
Табығлар-2024. Николай Шульгинов Россияның Хазна Думазынзар Хакасияның пір мандаттығ 35№ табығ округынҷа депутадының хоза табығларына сығарылды
Аннаңар искірче Хакасияның Табығ комиссиязы. Россияның Хазна Думазынзар Хакасияның пір мандаттығ 35№ табығ округынҷа депутадына кандидат чіли санға турар ӱчӱн сығарылчатхан кізее республика табығҷыларының 11947 хол салғанын чыып аларға киректелче. Николай Шульгинов 1951 чылдаң, пӧзік ӱгредігліг паза «Федеральная сетевая компания – Россети» ПАО-ның ӧӧн чӧпчізі полча. Алында ол РусГидронаң устаан, анаң Россияның энергетика министрі тоғызында істенген. Тиксі алза, ол чарытхы энергетиказында 50 чыл істен салған паза иң артых специалисттер санына кірче.
Чоохтирға кирек, алында Хакасия пазы Валентин Коноваловнаң Ӧӧркі Чӧп кнезі Сергей Сокол республикадаң Хазна Думазының депутадына хоза табығларға Николай Шульгиновха сығарға сурыныснаң хада-пірге айланғаннар. Табығ комиссиязына пастағы пічіктер пирілген соонаң республика пастыхтары, Николай Григорьевичнең тоғазып, хада-пірге тоғынарынҷа мыннаң мындархы хаалағларны ӱзӱргеннер паза ӧӧн сурығларны таныхтап салғаннар.
– Республиканы Сірер чахсы пілчезер, ол санда, пістің иң килкім корпорацияның, РусГидроның, устағҷызы полып, ӱр чыл тоғынған кізі чіли. Сірернің пӧзік профессионализміңерні, политикадағы паза устағ киреендегі улуғ опыдыңарны, федеральнай правительстводағы палғалыстарыңны санға алып, киртінчем, Сірер, Хазна Думазының депутады чіли, Хакасияа улуғ туза ағыларзар, – айланған Валентин Коновалов.
Николай Шульгинов анзын улуғ киртініc паза нандырығ чіли паалапчатханын таныхтаан, олох туста алнында кӧп тоғыс сағыпчатханына хайығ айландырып:
– Тоғынарбыс! Иң ӧӧн пӧгін – республиканың чуртас-экономика тилізінің оңдайларын алғыдары, ол санда инвесторларны тартып паза оларның сағыстарын чуртасха киріп, оларның піреезі, президент турғысчатхан пӧгіннерні толдырар ӱчӱн, пастағы хаалағларны идіп пастабысхан.
Сом r-19.ru сайттаң
Автор :
Тимнеен Наталья Сюптерекова
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 31 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде