Пiске ол кирек
12.07.2024
Хабарлар
Пос кӧрiзi. Россияның налог салҷаң оңдайына алызығлар кирiлчеткеннеңер пос кӧрiзiнең ӱлесче Таштып аймаа пазы Николай Чебодаев
Налог реформазын иртiрерiне ӱлгӱ хас-хаҷаннаңох теелген, ӱр чыл аны чуртасха кирiбiзерге кӱстенген. Амды ол тус чит килдi. Мин налог алызығларынаң чарасчам, ӧӧнiнде орта кӧстеглер. Ӧнетiн чаа операциязы парчатхан туста бюджетке уғаа улуғ чӱк артылча, экономикаа кӧп ахча киректелче, чаа парған чирлернi кӧдiрерге, городтарны хатабох пӱдiрерге кирек.
Амғы туста Хакасияның парыстарнаң кирек сидiк, бюджетте 8-9 миллиард салковай чидiспинче. Исчем, ниме Владимир Николаевич Штыгашев чоохтанча, сағыс орта – налогтар проценттерінің кӧбiзi Хакасияда халзын, республикаа ол туза полар, пiске ол ахча хайди даа кирек. Налогтарның синi республикада ӧс сыхса, муниципальнай пӱдiстерде iдӧк хозылар.
Налог салҷаң наа оңдай хоостыра улуғ парыстығлар – 2,4 миллион азыра салковай алчатханнар – пасха синнiг налог тӧлеп сыхсалар, чахсы полар. Андада чыып алған налогтарны, субъекттерге читiрiп, социальнай кӧстеглерге хабазарға чарир.
Сом Н.Чебодаевтің ВК-дағы страницазынаң
Автор :
Пазып алған Тарина Бутонаева
| Пн | Вт | Ср | Чт | Пт | Сб | Вс |
| 30 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде
