Татхыннығ борщ пайрамы
27.07.2024
Хабарлар
![Татхыннығ борщ пайрамы Татхыннығ борщ пайрамы](/upload/iblock/bd4/vr82p9bjwql3pb81aykxvsfhr05drbj4.jpg)
Алтай аймааның Чынай аалында "Смачный борщец" борщ фестивальы иртті. Пӱӱл ол алтынҷызын иртірілче. Аал чуртағҷыларын паза аалҷыларын Хакасияның культура министрі Светлана Окольникова, Алтай аймаа пазы Ирина Войнова удурлааннар.
Таныхтирға кирек, фестиваль пасталар алнында чонны наа турист маршрудынаң таныстырғаннар. Чол Очыр аалдаң пасти Ким суғҷа Чынай аалына читіре ирткен. Он час тустарынаң корабль-плоттығ, кимеліг, чӱсчең матрастығ, ӱбӱрілген диваннығ даа кізілер иніп пастааннар. Ӱс час тустарына, фестиваль пасталарына, олар Чынайға читкеннер.
![](/news/IMG_20240727_184334_019.jpg)
Фестиваль араласчылары сöбірелерінде хайраллалчатхан оңдайларҷа тимнелген борщнаң аалҷыларны чапсытханнар. Черносливтіг, палых, таңах идінең пызырылған, ах, соох - кефир аралаан - свёкланаң ӱгрені жюри аарластығ жюри паалаан. Андар Алтай аймааның культура устанызы устағҷызының орынҷызы Людмила Маньковская, Хубачардағы культура туразының директоры Станислав Клапнин, Ызыхтағы культура туразының директоры Елена Ерёмина кіргеннер. Иң татхыннығ борщ тимниріне марығда пӱӱл 8 сöбіре араласхан. Олар чиисті прайзы пір тиңе пызырып пастааннар.
Фестивальда пӱӱл ікінҷізін Чынайдағы олған садының повары Елена Толмачёва араласхан. Жюри алнына ол фасольлығ борщ сығарған. Аны повар позының рецептінең пызырча. Сöбірезінде пу ӱгрее тың хынчалар. Оолғым аны кӱннің сай даа чирге тимде тіп чоохтапча Елена Сергеевна.
Пайрам аалҷыларын Алтай аймааның артисттері паза чайаачы öмелері номерлерінең öріндіргеннер. Ідöк анда айма-пасха мастер-класстар, ойыннар паза пасха даа чапсых мероприятиелер иртірілген, сомға суурынҷаң орыннар тимнелген.
Сомнар авторни, Алтай аймаа администрациязының
Автор :
Тимнеен Татьяна Кыштымова
Пн | Вт | Ср | Чт | Пт | Сб | Вс |
26 | 27 | 28 | 29 | 30 | 31 | 1 |
2 | 3 | 4 | 5 | 6 | 7 | 8 |
9 | 10 | 11 | 12 | 13 | 14 | 15 |
16 | 17 | 18 | 19 | 20 | 21 | 22 |
23 | 24 | 25 | 26 | 27 | 28 | 29 |
30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде