"Ӱгредіг" нацпроект школаларны пӱдірерге паза нааҷылирға полысча
28.08.2024
Хабарлар
Россия президентінің Сибирьдегі федеральнай округтағы полномочнай кізізі пӱӱн тоғыс чорығынаң Хызылчарда полды. Ол регион пазы Михаил Котюковнаң хада социальнай объекттерде пол килген.
Анатолий Серышев Хызылчарның Солнечнай микрорайонындағы наа школада пол килген. 2019 чылда орындағы чуртағҷылар Россия президенті Владимир Путиннең кöні эфир тузында табырах тиліпчеткен микрорайонның инфраструктуразын тилідерге паза школа пӱдірерге полыс пирерге айланғаннар. Пӱӱл "Ӱгредіг" нацпроектче пӱдірілген 1100 орынға кöрілген школа тузаланысха киріл парған. Ӱртӱн айының 1-ғы кӱнінде ол ӱгренҷілеріне ізіктерін азар.
Таныхтирға кирек, Хакасияда даа пу нацпроектче тоғыс öткін апарылча. Іди Ағбанда паза Алтай аймааның Хубачар аалында 1 муң орынға кöрілген школалар пӱдірілче.
Хубачарда пӱдірілчеткен школа
Ідöк пар школалар федеральнай программаларҷа нааҷылалчалар. Кöзідімге, Алтай аймааның Хойбал, Очыр ааллардағы, Боград аймааның Сарығ хас аалындағы школаларда, Орджоникидзе аймааның Копьёв аалындағы олған искусстволары школазында, Саяногорсктағы паза Шира аймаандағы 3 школаның, Асхыс аймааның 2 школазының, Пии аймааның 1 школазының спортзалларында тиксі тыхтағ тоғыстары апарылча.
"Амғы тустағы школа" федеральнай проектче Харатаста "Кванториум" олған технопаркы азылар.
Сомнар sfo.gov.ru сайттаң паза Алтай аймаа администрациязының архивінең
Автор :
Тимнеен Татьяна Кыштымова
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 1 | 2 | 3 |
Кӱн таңмазы
Хакасияда
Россияда
Тилекейде
