Хакасия пазы ӱн пирібіскен
06.09.2024
Хабарлар
Табығлар -2024
Хакасияда табығлар пасталыбысхан, республикадағы 373 участковай табығ участогы ізіктерін азыбысхан. Ӱн пиріс ӱс кӱн иртер – 6, 7 паза 8 ӱртӱнде. Табығ участоктары 8.00 частаң 20.00 часха теере тоғынарлар.
Республикада тиксі 32 табығ кампаниязы иртче: Россияның Хазна Думазының 35 № Хакас пір мандаттығ табығ округынҷа депутадына хоза табығлар, Хакасияның город-аймахтарындағы орындағы пос устаныс органнарынзар табығлар.
Хакасия пазы Валентин Коновалов пастағыларның санында ӱн пирген. Ол Ағбандағы 25№ школада орныхчатхан 9№ табығ участогынзар иртенӧк килген. Ӱн пирібіcкен соонаң республика устағҷызы, хабарҷыларнаң тоғазып, пу табығлардаңар сағыс-кӧрізінең хысхаҷахти ӱлескен.
– Республикада табығлар пасталыбысты, ол ӱс кӱн иртер: пятницада, субботада паза позырахта, – таныхтаан Валентин Коновалов. – Килерге паза ӱн пирібізерге – ол полған на чуртағҷының ӧдізі. Посха табарға кирек, ӱлгӱні піс таппазабыс, аны пасхазы идер. Пӱӱн пістің Хазна Думазының депутадына хоза табығлар иртче. Ол кізі парламенттің алтындағы палатазында Хакасияның кирексіністері ӱчӱн турызар, аннаңар, киліп, ӱн пирерге кирек. Ідӧк пістің республикада орындағы пос устаныс органнарынзар табығлар иртче. Ол санда хайзы аймахтарның паза городтарның пастарына. Орыннарда кем устирын табары – ол ідӧк уғаа кирек ниме. Аннаңар прайзын килерге паза ӱн пирібізерге хығырчам.
Сом Дмитрий Сунчугашевти
Автор :
Альберт Толмашов
Пн | Вт | Ср | Чт | Пт | Сб | Вс |
30 | 31 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 1 | 2 | 3 |
Кӱн таңмазы
Хакасияда
Россияда
Тилекейде