Хакасия пазы хазна правительствозының чыылиинда араласхан
12.09.2024
Хабарлар
Хакасия пазы Валентин Коновалов Россия президенті Владимир Путин хазна правительствозы кізілерінең иртірген чыылиинда араласхан.
Видеоконференция тузында экономиканы паза аның алынҷа кӧстеглерін тилідерінің, импортты алыстырарының, аал хонииның сурығлары паза регионнарның тиліс программалары ӱзӱрілген.
‒ Позыбыстың программазын піс орғах айында арачылаабыс. Ол республиканың экономиказынзар хоза 30 миллиард салковай инвестиция тартар, 2 муң наа тоғыс орнын тӧстир паза бюджетке кірчеткен налогтар синін кӧдірер оңдай пирер. Пу программа хоостыра 2025-2030 чылларда Хакасия федеральнай бюджеттең чыл сай миллиард салковай хоза полызығ ал турар.
Владимир Владимировичке республикабысха хайығ салчатханы паза Хакасияны алынҷа тиліс программазынҷа (ИПР) тоғынар субъекттер санына кирген ӱчӱн алғызым читірчем. Программаны чуртасха киреріне позыдылған ахчаның 100 процентін піс піске танығлығ полчатхан кӧстеглерні тилідеріне позыдарбыс. Ол ниме-ноо тимнепчеткен промышленность, аал хонии, туризм, идінҷектерге хабазары паза инвесторларға тоғынар оңдайлар тӧстирі.
ИПР ахчазынаң пасха, Россия правительствозы регионнар экономиказын тилідер ӱчӱн тимнеп салған прай оңдайларнаң тузаланарбыс, ‒ таныхтапча Валентин Олегович.
Сом Валентин Коноваловтың ВКонтакте социальнай сетьтегі страницазынаң алылған
Автор :
Тимнеен Татьяна Кыштымова
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде
