Анатолий Серышев чииттер форумын асхан
13.09.2024
Хабарлар
Форум. Россия Федерациязы президентiнiң Сибирьдегi федеральнай округтағы полномочиелiг кiзiзi Анатолий Серышев «Шерегеш» чииттернiң ӱгредiглiг тиксi Россия форумының азылғанында араласхан
Мероприятие ӱртӱн айының 11 – 15 кӱннерiнде Кузбасстың Таштагольскай аймаанда иртче. Анда 18 – 35 частығ 500 азыра кiзi араласча – программисттер, приложение тӧстегҷiлерi, дизайнерлер, графика хоосчылары, блогерлер. Чииттер Россияның 82 субъектiнең паза 11 пасха хазнадаң чыылысханнар. Пӱӱл пу форум пастағызын на федеральнай синде иртiрiлче.
Форум «Новые технологии работы в туристической сфере» тіп адалча. Аның араласчыларының ӧӧн пӧгiнi – туризмге саннығ технологияларын тӧстирi паза тилiдерi. «Амды искiрiглiг паза саннығ технологиялар, пу кӧстегде iстенчеткен специалисттер чох, пiстiң хазнаның паза тиксi тилекейнiң таңдағызы пiлдiзi чоғыл», – таныхтаан Анатолий Серышев.
Iдӧк олғаннар форумға килер ӱчӱн, хатығ таллағ ирткеннер тiп сизiндiрген. «Сiрерге сағынған сағыстарыңны чуртасха кирiп аларға алғапчам. Пу тема мында, Тағлығ Шорияда, улам кирексiнiсте. Мында туристтерге чыл тооза тынанар оңдайлар тимнелче», – хосхан ол.
Форумның программазында чайаачы мастерскойлар тоғынғаны, лекциялар, тоғазығлар федеральнай эксперттернең, спикерлернең паза даа пасхазы.
Россия Федерациязы президентiнiң Сибирьдегi федеральнай округтағы полномочиелiг кiзiзi Анатолий Серышевтiң пастаанынаң интернетте кӱҷӱрлернең кӱрезерiнҷе «Интернет без опасностей: стратегии безопасности для молодежи» семинар-совещание иртер.
Iдӧк полпред «Дети Азии» спорт ойыннарының араласчыларына паза чиңiсчiлерiне алғыстас пiчiктерiн читiрген.
Сом sfo.gov.ru сайттаң
Автор :
Тимнеен Оксана Котюбеева
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
