Тоғазығ. Хакасия пазы Валентин Коновалов, Москвада тоғыс чорығынаң полып, Россияның чииттер киректерiнӌе федеральнай агентствозының устағӌызы Григорий Гуровнаң тоғасхан

«Хакасия правительствозы чииттер политиказына алынӌа хайығ салча. 2013 чылдаң сығара пiс ол кöстегӌе ахча позыдарын ӱс хати öскiрiбiскебiс, чииттернiң пастағларына гранттарнаң хабазарын алғыдып одырчабыс.

Тоғазығда чииттер инфраструктуразын тилiтчең, Хакасияда чииттер кiннерiн тöстеӌең сурығларны, Россияның чииттер киректерiнӌе федеральнай агентствозының «Чииттерге регион» паза «Чахсы киректер регионы» гранттығ программалары осхас федеральнай проекттерде аралазар оңдайларны ӱзӱргебiс.

Пiстiң республика Чоннар аразындағы чииттер форумын, хайзы Тиксi тилекейдегi чииттер фестивальы орнына иртiрiл сыххан, хада иртiрӌең городты табарынӌа марығда аралазарға пöгiнче. Пiс аймах-пасха хазналардаң килген аалӌыларны «Региондағы программа» номинация хоостыра удурлирға тимдебiс, ХТИ-да орныхчатхан Чоннар аразындағы ынархас клубының площадказында.

Iдöк федеральнай кiннiң хабазиин кирексiпчеткен пасха даа сурығларны ӱзӱрiбiскебiс.

Григорий Александровичке Хакасияа хайығ салчатханы, социальнай кирексiнiстiг сурығларны пöгерiне хабасчатханы ӱчӱн алғызым читiргем», – пас салған Хакасия пазы Валентин Коновалов ол тоғазығдаңар социальнай сетьтердегi страницаларында.

Сом В.Коноваловтың телеграм-каналынаң

Сомда: Валентин Коновалов Григорий Гуровнаң