ГАРНИЗОННЫҢ ТИЛӀЗӀ ӰЗӰРІЛГЕН
13.02.2018
Хабарлар
Хакасияның пазы ЦВО войсколарының командующайы Александр Лапиннең тоғасхан.
Хакасиязар тоғыс хоостыра Центральнай чааҷы округы (ЦВО) войсколарының командующайы Александр Лапин килген. Ирткен неделяда Хакасияның пазы Виктор Зимин аннаң хада тоғасхан.
Тоғазығда Ағбандағы гарнизоннын чааҷы частьтарында киректер хайди парчатханы паза оларның материально-техническай тилізі ӱзӱрілген. Февраль тоозылғанҷа, комплекстіг пӱдіріг тузаланысха кирілер, хайзы 24-ҷі зенитнай ракетнай бригаданың кирексіністерінҷе пӱдірілче. Аның пастағы хадылында штаб орнығар, пасха ӱс хадылында - контрактча служба апарчатханнарға чуртаҷаң орын.
Комплекстіг пӱдірігні тузаланысха киргені чааҷы городогында 5-ҷі алынҷа Познанскай Хызыл знамялығ тимірчолҷылар бригадазын паза 24-ҷі зенитнай ракетнай бригаданы хада орныхтырарға оңдай пирер.
Хакасияның пазы ЦВО войсколары командующайына Ағбандағы гарнизонның тилізіне хайығ салчатханы паза чааҷылар регионның чуртазында ӧткін араласчатханы ӱчӱн алғызын читірген. Іди Чиңіс кӱніне чарыдылған мероприятиелерде чааҷылар параднаң парарынҷа паза чааҷы тиріглерінің, чааҷы техниказының кӧзідиин иртірерінҷе чӧптезіглер амох иділген. Ідӧк Виктор Зиминнің пастаа хоостыра чааҷы городогының Культура-тынағ кінінде Ада чир-суубыс арачылағҷызы кӱніне чарыдылған мероприятие иртер.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде