КИНДЕ - УҒАА ЧАХСЫ АРҒЫС
15.04.2020
Статья
Митхас Туранның чайаачы тоғыстары хығырығҷының кӧңнін кӧдірче
Пос туста. Хосхар айының пастағы кӱннерінең пасти пістің хазнабыста ибдең сыхпас режим киріл парған. Амды ӱгренӌілер паза студенттер ӱгреністерін ибдең сығара узаратчалар
ИБДЕ ОДЫРҶАҢ РЕЖИМ ТУЗАЛЫҒ ИРТСІН
Чииттернің кӧбізі, пос тус кӧп арах пол парғанда, ибде одырып, нименең айғасчатханнарынаңар удур-тӧдір сурығ пирчелер. Социальнай сетьтер дее чархастығ полыбысчалар нооза.
Пу сығарыста ол сурығлар хоостыра мин хығырығҷыларнаң пірее сағыстарымнаң ӱлес кӧрерге чараттым.
ИНТЕРНЕТ ТУЗАЛЫҒ ПОЛЗЫН
Интернет пастыра аймах-пасха хабарлар, тузалығ чӧптер таап аларға чарир. Кем-де аның полызиинаң палғирға, тігерге, татхыннығ ас-тамах пызырарға ӱгреніп алча. Іди минің пір танызым, аймах видеолар кӧріп, кип-азах тігерге ӱгреніп алған. Піреезі Интернет пастыра наа арғыстар таап алча.
Мин,тізең, пасха хазналарзар чуртирға парыбысхан чир-суғҷыларыбыстың блогтарын хығырарға хынчам. Халғанҷы туста минің кӧңніме кірче Бразилияда чуртапчатхан сӧбіредеңер хығырарға. Оларның «Бобёр» каналы пасха хан чирінің сілиин хығырығҷыларға чахсы кӧзітче. Каналның авторы чиит іҷе ибіркі чир-чайаанны сомға кӧп суурча. Паза ол, пасха хазнада чуртаза даа, палаларын орыс тіліне ӱгретче. Аның хызыҷахтары іҷезінің тӧреен тілін аарлапчалар паза хынып ӱгренчелер. Сағынчам, андағ кӧзідім полған на кізее тузалығ полар. Піреезі андағ чир-суғҷыларыбыстың полызиинаң пасха хан чирінің тілін ӱгреніп алча.
Аннаңар социальнай сетьтернің ленталарын на кӧрерге хараспаңар. Тиксі тилекей Интернедінің хылында кӧп тузалығ каналлар, сайттар пар. Прайзы пілче, кинде - ол чахсы нанҷы. Чӱрек сыстапчатса, ол часхарыбызар, кӧңнің кӧдірібізер. Аны хығырып, тилекейнің полған на пулиинда пол пар килерге чарир. Пӱӱнгі кӱнде кинде хығырарға хынчатханнарға Интернетте аймах-пасха платформалар тоғынча. Оларның полызиинаң книгаларны тикке хығырарға чарир. Амғы писательлер дее постарының блогтарында чайаачы тоғыстарын тикке хығырып аларға оңдай пирчелер. Ідӧк чарир аймах интернет-магазиннер пастыра электроннай кинделер садызып алып, оларны пос туста хығырарға. Хығырарға хынминчатханнарға андох аудио книгалар истіп одырарға оңдай пирілче.
Арса, сірернің хаҷанох пірее писательнің улуғ произведениезін хығырып аларға сағыс полған. Ол чазыт сағыстарыңарны толдырарға тус читті тиирге чарир.
| Пн | Вт | Ср | Чт | Пт | Сб | Вс |
| 25 | 26 | 27 | 28 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
