Боргояков Михаил Михайлович
08.05.2020
Хабарлар
Чуртаан чыллары: 05.05.1922- 1998 чч.
Тӧреен-ӧскен чирi – Асхыс аймаанағы Индiркi Тӧӧ аал. Пабазы Михаил Иванович полған, iҷезi - Ксения Викторовна. 7 класс тоосхан соонаң Ағбандағы ӱгретчiлер тимнеҷең училищезiнде курстар тоосхан. Чаа алнында Карл Маркс аалда бухгалтер полып тоғынған.
Чааға 1941 чылда хығыртылған. Наа ла 19 час толдыр салған оол чааласхан. Чаа чолына Асхыстаң сыххан. Ағбанзар чидiп, Воронежсер, анаң Москвазар ызылған. Свердловск городта 2 чыл ӱгренген соонаң нинҷе-де кiзiнi Ыраххы Востоксар ысханнар. Службаны читiре иртерге килiспеен. Чааға ысханнар. Пастап Германиядаң тоғыр, анаң – Япониядаң. Пулемётнай ротада чаалазып, Сталинградты арачылаан. Пiчiкчi тоғызына турғызылған.
Совет чааҷылары Чиңiс тутханда, Михаил Михайлович Волгоградта полған. Соонаң ол Ыраххы Востоксар Япониядаы тоғыр чааға ызылған. Изер айланған 1946 чылда, сентябрьда.
Сыйыхтар: IIстепеньнiг Ада чаа орденi, «За отвагу», «За победу над Японией» паза «Наа чирлернi айланысха киирген ӱчӱн» медальлар
Чаа соонаң Исте, Аршанда бухгалтер полып тоғынған. Халғанҷы чылларда Индiркi Тӧӧде чуртаан. 1998 чылда, чӱреене тохтап, ӱреен.
Пасча пархазы Евгения Костякова
| Пн | Вт | Ср | Чт | Пт | Сб | Вс |
| 28 | 29 | 30 | 31 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
