КЕМНІҢ ТИМНЕНІЗІ АРТЫХ ПОЛАР НИ?
10.08.2016
Хабарлар
Рио-де-Жанейрода иртчеткен чайғыдағы XXXI Олимп ойыннары тузында марығлар салтарлары кӱннің сай табырах алызып одырчалар. Кӧзідімге алза, Россияның піріктірілген командазы ам на ӱзінҷі орында полған. Паза кӧрзең, читінӌі орынзар тӱс парыбыстыр.
Анаң пазох кӧдіріліп алча, прайзыбысты ӧріндірче. Аннаңар пістіңнер ле нимес, пасха даа хазналарның спортсменнері командаларына алтын-кӱмӱс-хола медальлар кӧбдин ағыларға харасчалар, чиңіске парчан кӱстерін салчалар. Пілдістіг, спорт - ол спорт. Кӧзідімнер табырах алызып одырчалар. Най тың ізенчеткен спортсмен утыр таа саладыр, тың хомзындырча. Хайыға тың на турыспинчатханнары, чиңіс тудып, тиксі сабланып пастабысчалар, командаа алтын алай кӱмӱс медальлар хос пирчелер, ибзер Олимп чемпионнары полып айланчалар.
Кӧзідімге алза, хылыстазар спорт кӧрімінде пістің чир-суғҷыларыбыс, Россияның командазынаң чи, Яна Егорян паза Софья Великая азах меетте тоғазарын піреезі ухаанҷылады ни? Мында Яна Егорян чиңіс тутхан, Софья Великая кӱмӱс медаль алған. Анзынаң, сағыбаан чидіглернең, хайхастығ чиңістернең позынзар хайығ тартча Олимпиада, тилекейдегі кӧрігӌілерні сыбыра хадағда тутча - пу тоғазығда кем не утып алар ни, кемнің тимненізі артых полар ни?
Амды чайғыдағы XXXI Олимп ойыннарында араласчатхан хазналарның командалары хайдағ орыннарда турчатханын кӧзітчебіс. Че пу кӧзідімнер ӱр ниместің не аразына алыс парарға айабастар.
Командаларны санға ал килзе, сағам Хыдат пастағы орында парча. Аның тӧрт алтын, ікі кӱмӱс паза ӱс хола медаль. Ікінҷі орында США. Аның амды чайғыдағы XXXI Олимп ойыннарында араласчатхан хазналарның командалары хайдағ орын -
ӱс алтын, алты кӱмӱс, тӧрт хола медаль. Ӱзінчі орында Италия. Аның ӱс алтын, тӧрт кумӱс, ікі хола медаль.
Россия пизінӌі орында. Аның ікі алтын, ӱс кӱмӱс, ӱс хола медаль.
Автор :
Тимнеен Анатолий СУЛТРЕКОВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы