«ХАБАР» ГАЗЕТАНЫ АЛАРЫБЫС КИЛЧЕ
23.12.2016
Хабарлар
«Хабар» газета редакциязы» Хакас Республиканың автоном учреждениезінің ӧӧн редакторы Р.Д. СУНЧУГАШЕВКЕ
Аарлығ Радион Дмитриевич!
Сірерзер Асхыс аймаандағы кічіг ааллар санына кірчеткен Абрамнар аалының чуртағчылары айланчалар. Пістің аалның на нимес, прай республика адынаң Виктор Михайлович Зиминге улуғ алғызыбыс читірерге сағынчабыс, кічіг аалларға хабасчаң программа ӱчӱн. Ӱстӱнде адалған программа пістің аалны пілдірте чахсы саринзар алыстырыбысхан. Программа полызиинаң пістің аалда суғ алҷаң скважиналар хазылған, тасхархы чарытхы тартылған, олған площадказы пӱдірілген, сыырат сиденнелген паза аннаң даа пасха тоғыстар толдырылған. Ағаа хоза піс «Хакасия» республика газетазын тикке алчабыс. Че пістің аалның 100 процент чуртағҷызы орындағы чон полчатханнаңар ідӧк «Хабар» газетаны аларыбыс килче.
Республиканың хакас тілінең сыхчатхан «Хабар» халых-политика газетазын тикке алар сурығҷа полыс пирерге сурынчабыс.
Аарласнаң Асхыс аймаандағы Абрамнар аалының чуртағчылары: Марианна Владимировна ТОЛМАШОВА, Михаил Михайлович АРШАНОВ, Валентина Филипповна ТОДИНОВА, Юлий Иннокентьевич КАЗАГАШЕВ, паза даа пасхазы (прай 16 кізі хол салтыр).
РЕДАКЦИЯ АДЫНАҢ: Асхыс аймаандағы Абрамнар аалының чуртағӌыларына пістің газетаа пазынардаңар сағыссырапчатханнары ӱчӱн улуғ алғызыбыс читірчебіс. Хакас газетазын кирексіпчеткеннері ӧріндірче. Абрамнар аалы чуртағҷыларының пічии газетаның тӧстегӌілеріне читірілген. Пу сурығҷа ӱзӱріглер парарына ізенчебіс. Салтарлар полза, искірербіс.
Автор :
Асхыс аймаандағы Абрамнар аалының чуртағчылары:
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы