«ГАЗЕТА - МИНІҢ ЧУРТАЗЫМДА» МАРЫҒ
13.01.2017
Хабарлар
МАРЫҒЛАР ЧАРЛАПЧАБЫС
Газетабысха 90 чыл толчатханына чарыдып, пӱӱл ӱс марығ чарлапчабыс:«Иң иргі сығарыс - сӧбіре чыындызында», «Гззета - минің чуртазымда» паза «Кибірліг сом».
Марығларда, газетаа пазынчатхан хығырығҷыларға аралазарға чарир.
МАРЫҒЛАРДА АРАЛАСЧАҢ ОҢДАЙЛАР:
1. Марыға материалларны «Марыға» танығлығ «Хабар» газета редакциязының адрезіне почтаӌа ызарға: 655017 ХР, Ағбан г., Щетинкин ор., 34,11 а/я алай электроннай почта адрезіне: stranahabar@mail.ru.
2. Пічікте марығ араласчызының ады-солазын толдыразынаң, чуртапчатхан орнын паза палғалысчаң телефон номерін хайди даа пазарға.
3. Материаллар 2017 чылның 12 майына теере алылар, ол кӱн соонаң кірген материаллар марығда араласпинчалар.
4. Жюри таллап алған марығ материаллары «Хабар» газетада паза газетаның сайтында сығарылар.
5. Полған на марығда чиңісчі паза сыйыхтығ орыннарға турысханнар табылар.
6. Марығ салтарлары паза чиңісчілерні чеестирі 2017 чылның 19 майында «Хабар» га-зетаның редакциязында иртер.
7. Чиңісчілер паза сыйыхтығ орыннарға турысхан араласчылар «Хабар» газета редакциязынзар хығыртылар.
«ИҢ ИРГІ СЫҒАРЫС - СӦБІРЕ ЧЫЫНДЫЗЫНДА» МАРЫҒ
Марығның ӧӧн сағызы - хығырығӌынаң палғалысты тыыдары.
Пу марығны иртірӌең оңдайлар паза кирексіністер:
1. Марығ араласчызына газетаның иргі чардығын табарға паза аннаң хада сомға суурынарға кирек (сомға суурынңаң оңдай чох полза, редакциязар газета чардығынаң хада килерге).
2. Газета чардығын хобырарға.
3. Газета чардығының тархынын пазарға (ноға ол сӧбіре чыындызында хайраплапча).
4. Пу материалларны ӱстӱнде пирілген кирексіністер хоостыра редакция адрезіне ызарға.
5. Пастағы орын иң иргі газетаның чарды-ғының ээзіне пирілер, хайзы аның тархынын иң хынығ пас пирер, пасха орыннар - газета кизегінің чыллары ӧскені хоостыра ӱлестірілер.
Марығның ӧӧн сағызы - «Хабар» (алында «Хызыл аал», «Ленин чолы», «Хакас чирі») газета хығырығӌының таңдағы чуртазына хайдағ-да оңдайнаң теелгенінеңер чуртастағы киректердеңер чоохтар.
Пу марығны иртірӌең оңдайлар паза кирексіністер:
1. Марығ араласчызына газетаның, андағы хабарларның, статьяларның чуртазына теелгенінеңер чоох пазарға кирек.
2. Чоохты холнаң даа, компьютерде дее пазарға чарир.
3. Марығ чиңісчізіне саналар паза сыйыхтығ орыннарға турызар иң хынығ паза улуғ туза ағылған киректеңер чоохтар пасхан араласчылар.
«КИБІРЛІГ СОМ» СОМНАР МАРИИ
Марығның ӧӧн сағызы - хакас чонның кибір-чозахтарын паза тілін сӧбіреде хайраллиры паза тилідері, ідӧк оларны сабландырғаны.
Пу марығны иртірӌең оңдайлар паза кирексіністер:
1. Марыға ӧңніг, ах-хара сомнарны ызарға чарир, хайда хакас родтың, сӧбіренің ӱлӱкӱннерінде паза иб аразындағы чуртаста хакас кибірлеріне тудынғаны кӧзіділ парған.
2. Марыға алылбинчалар ӧнетін турғызылып паза ӱлӱкӱннер сценаларында суурылған сомнар.
3. Марыға тимде дее паза электроннай даа сомнарны (JPEG форматта) ызарға чарир.
4. Сомға хоза ол хаӌан, кем анда суурылғаннаңар паза олар нименең айғасчатханнарын, ідӧк кӧзіділген кибір-чозахтың сӧбіредегі тузазынаңар чарыдарға кирек.
Автор :
«Хабар» газетаның редакциязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы