ЧУРТ ПӰДІРЕР ОҢДАЙ СИГІС МУНҶА ЧУРТАҒҶАА ПИРІЛГЕН
17.01.2017
Хабарлар
Хакасияның ис-пай паза чир хайызығлары министерствозы льготалығ категорияа кірчеткен кізілерге, ол санда кӧп палалығ сӧбірелерге паза чиит специаписттерге, чир участоктарын тикке пирер тоғысты узаратча. Амғы тусха тикке чир сигіс муңӌа кізее пирілген, оларның 3,5 муңы - 35 часха читкелек чиит улус.
Хакасияның пазы Виктор Зимин пис чыл мының алнында чииттерге хабазар пастағнаң сыхханы законнарнаң тыыдыл парған. Пӱӱн республикада ікі закон тоғынча: 88-ЗРХ, хайзынӌа чир кӧп палалығ сӧбірелерге пирілче, паза 25-ЗРХ, хайзынӌа чир участогын тикке льготниктернің алты категориязы алып алар праволығ, ол санда чиит специалисттер.
Таныхтирға кирек, халғанӌы чылларда, Хакасияның пазы Виктор Зиминнің чахиинҷа, муниципальнай пӱдістерге чир участоктарын тимнирінӌе улуғ полызығ пирілген. Халғанҷы ікі чыл аразына ла республика бюджедінең кирек пічіктер тимниріне, участоктарны мизеелиріне (межевание) паза оларны кадастрӌа санға турғызарына 10 миллион артиинаң салковайға субсидиялар пирілген. Ахчалығ полызығ Алтай, Асхыс, Таштып, Ағбан пилтірі, Шира аймахтарына, Харатас, Саяногорск паза Абаза городтарға пирілген. Анзы читі муңа чағын чир участогын тимнирге оңдай пирген.
- 2016 чылға Алтай аймааның Хубачар аалында 1262 чир участогы тимнелген паза 3000 артиинаң - Ағбан пилтірі аймаанда. Анзы чирге теесті адалған аймахтарда чабызарға паза ідӧк Ағбанның ӱлгӱлеріне 1800 участок пирібізерге оңдай пирген. Ол чир участоктары Хубачар паза Солнечнай аалларда орныхчалар, - искірген регион устағӌызына Хакасияның ис-пай паза чир хайызығлары министрі Елена Соломонова халғанӌы чыылығда.
Министрнің таниинаң, ол иділген тоғыстың улуғ салтары. Ағбанда пос чир чоғыл даа нооза, льготниктер саны, тізең, республикада иң пӧзік.
Пӱӱлгі чылға «Хакас Республиканың хазна ис-пайынаң устиры» хазна программазы хоостыра алты миллион салковай кӧріл парған. Ол ахча субсидия оңдайынаң муниципальнай пӱдістерге кирек пічіктер тимниріне паза чир участоктарын мизеелиріне позыдылар.
Анзынаң пасха, пӱӱл алынӌа хайығ чиит специалисттерге салылар. Республикаа квалификациялығ чиит кадрлар киректелче. Чииттерге чир участогын тикке пирері, тізең, уламох тоғынчатхан орыннаң ырах нимес полза, пос чирінде істенерге кӧӧктірер.
- Кізілер чох инвестициялар полбинча. Чир чоғыл - туралар чоғыл. Чурт чоғыл - тилістің ӧӧн кӧзідіглерінің пірсі чох полар - чиит улус. Аннаңар оларны мында тут халарына прай ниме идерге кирек. Орындағы чуртағӌы ла постың чирін аарлир, - таныхтаан Хакасияның пазы Виктор Зимин.
Таныхтирға кирек, регион устағӌызы пастағнаң сыхханы хоостыра 2017 чыл Хакасияда Чииттер чылы тіп чарлалған.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы