АДМИНИСТРАЦИЯДА ПАЗА ПРАВИТЕЛЬСТВОДА АЛЫЗЫҒЛАР
15.02.2017
Хабарлар
Хакасияның пазы Виктор Зимин Валерий Денщиковсар Хакас Республика пазының администрация устағӌызы поларға чӧпнең айланған. 2009 чылдаң сығара Хакасияның спорт министрі полған Валерий Денщиков аннаң чарасхан.
Киҷее ирткен тоғысчы тоғазығда регион устағҷызы республикада пол парған оой нимес, ол санда политика саринаң, киректеңер чоох апарып, В.В. Денщиковтың профессиональней узын таныхтаан:
- Сірер чахсы устағҷызар, тоғыс опыдыңар уғаа улуғ, аймах социальнай группаларнаң тоғын полчазар, улуғ проекттернең устап полчазар. Хакас Республика пазының администрациязынаң устирын алып аларға, ағаа чідір салған киртіністі айландыр пирерге сурынчам.
Валерий Денщиков Россия Федерациязының саблығ тренері, Россия Федерациязының физическай культуразының саблығ тоғынҷызы полча. Аның устаанынаң СССР-ның 43 спорт узы, чоннар аразындағы класстығ 4 спорт узы тимнелген.
Республиканың спорт министерствозынаң В.В. Денщиков устаан тусха Хакасия спортча пілдірте чидіглерге читкен. Ол Тӧӧ пазында Спорт тимненізінҷе кіннің пӱдірии, Россияның піріктірілген командаларында пістің спортсменнернің саны пис хати ӧс парғаны, онарлап спортзаллар, футбол ойнаҷаң чазылар пӱдірілгені паза нааҷылалғаны, республикада «ЦСКА-Хакасия» олимп резервінің спорт школазы тӧстелгені, республикада физкультуранаң паза спортнаң айғасчатханнарның саны ікі хати ӧс парғаны.
Аннаң пасха, Виктор Зимин Хакасияның финанстар министрі Семён Аёшиннің паза Хакасияның садығлар сферазында контракт системазын оңдайлирынҷа министрі Елена Ольховскаяның пос кӧңнінең тоғыстаң парыбызар сурыныстарына чарадығ пирген. Адалған ведомстволарның пастағызында устағҷының тоғызын Ирина Войнова толдырар, ікінҷізінде - Ольга Иванова.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы